Poema de amor   Esas marabillosas tardes de xullo, os dous sós, sen ninguén molestando. ti e mais eu, eu e mais ti.   O tempo pasa voando, tres horas que parecen tres minutos. Os dous bicándonos, baixo un sol abrasador, escoitando de fondo, as ondas do mar. Marcho para a miña casa, desexando volverte a ver canto antes. Durmo pensando no sabor a fresas da túa boca, na textura dos teus beizos. Cando penso en ti, sempre se me debuxa un sorriso na miña cara. Grazas a ti, podo dicir que xa sei o que é a felicidade.   Óscar Calo Otero. 4º B ESO.  

Poema de amor (Si)   Cando te vexo penso que vou enfermar, o que desexo e poderte bicar.   Non podo imaxinar a miña vida sen ti, sería camiñar ó fondo dun cantil.   Desexo verte, camiñar ó teu lado, desexo abrazarte sempre con coidado.   Martín Gómez Ramos. 4º B ESO.

Amor    De veras non te coñezo pois eu quero escapar de ti, non quero ver o teu rostro, non quero verte en min.   Pois cando máis estiveches foi cando eu máis sufrín, non quero as túas mentiras eu só me quero a min.   Juan Cruz Rodríguez Blanco. 4º D ESO.  

Poemas de amor   I Dous mundos distintos dúas formas de sentir diferentes, dúas vidas sen nada en común, dúas maneiras de vivir, dúas persoas que se encontran e todo iso que nunca se uniría algo que xamais imaxinarías únese, para vivir algo marabilloso que é “o amor”. Amor é non ter que perdoar amar é abandonalo todo para seguir a quen amas vivir cousas diferentes sen que ningún teña que reprochalo xamais.   II   O amor é tolerancia é vivir con ledicia é sufrir polo que lle pasa á persoa amada é rir sen ter por que e chorar por chorar O amor é tolerar os defectos do outro, sen dicir nada. O amor é soñar cunha vida xuntos é unha ilusión día a día unha convivencia compartida un loitar día a día un reñer e un volver a reencontrarse sen dicir síntoo, nin pedir perdón. O amor [...]

Poema de amor   O mar dicíalle á Lúa que brillara para el, e así reflectía todo o amor que lle tiña. Que non podía esquecer as miradas que lle dedica, a luz que lle transmitía.   Que soñaba con que volvera a noite e mirar todas as súas cicatrices. Que cando se fixou no seu sorriso por primeira vez, sabía que o seu amor sería eterno. Que levan noites mirándose, pero  para eles, o seu tempo era escaso. Que se amaban coma Ares a Afrodita. Que só tiñán poucos minutos para abrazarse cando amañecía e poucos minutos para bicarse cando anoitecía. Que mentres a Lúa durmía, o mar choraba a mares. Que a Lúa ao escoitalo deixábase ver de día. que o mar deixaba que a Lúa influenciara sobre as mareas e así ter unha maior conexión. Que non podían deixar de estar o un ao carón do outro, [...]

Poema de amor   Penso en ti mentres leo, penso en ti mentres camiño, tes os ollos azuis como as augas do Miño e a alma branca coma o ceo.   A túa mirada é penetrante, como as ondas en Riazor, descontrólame o solpor, da túa presenza retirándose.   O teu sorriso é o que forxa, a miña inmensa felicidade, fáiseme un nó na gorxa.   Sen ti non podería vivir, ben o sabe Deus, vostede é o meu porvir.   Hugo Pereiro Loureda. 4º B ESO.

Poema sobre o amor   O amor é como unha rosa, ten espiñas, pero pode ser moi fermosa. O amor pode salvarte da profundidade e ao mesmo pode deixarte na escuridade.   O amor a medida que pasan os días crece, pero nun abrir e cerrar de ollos desaparece. Ao final o amor pode chegar a ser moi profundo, pero grazas a el, segue funcionando o mundo.   Gonzalo Ponte Rodríguez. 4º B ESO.  

Poema de amor    Es o deporte que eu practico e que aínda que moitos non te consideren, ti deporte non deixarás de selo.   A ti xogaba cando era pequeno, as túas pezas eran a miña fortaleza e as mesmas o seguen sendo.   Eu gañei máis do que perdín e agora podo dicir por fin, que non hai ningún outro deporte coma ti.   Jacobo Calviño e Sergio Guillín. 4º B ESO.

Poema de amor   Cando te vin por primeira vez a miña vida cambiou de durmir toda a noite a pasala esperta pensando en ti.   De xogar cos amigos a quedar contigo, de estudar aburrido a estudar ríndome contigo.   Ás veces penso que dependo de ti, pero  como non o vou facer se es o mellor que me pasou en anos.   Iker García Tuset. 4º B ESO.

Jezuz   Non nos enganemos o noso amor foi mentireiro máis sempre tivemos un amor verdadeiro.   Sentíame soa cada noite, sentíame doída cada día, e cando só quería oírte, ti rapidamente fuxías.   Aínda que ti non te lembres deixei moitas amizades por ti amizades verdadeiras, mentres, eu desaparecía por ti.   Iris Basalo e Victoria Cibrán. 4º C ESO.