EDL do IES MANUEL MURGUÍA - Contáctanos

POEMA DE AMOR. Nerea Cancela. 4º C ESO.

Poema de amor   Escoitei esa canción, en ti de repente pensei, cando estabas ao meu carón e ás veces que te chamei.   Cando te vin de ti me namorei pero isto chegou á súa fin e nunca máis te verei.   Tola por ti me volvías cando de ti recibía unha carta e ti para min xa non existías cando para outra había unha nota.   Contigo non volverei polo dano que fixeches o camiño soa andarei, porque ti con ela me enganaches.    Nerea Cancela. 4º C ESO.

POEMA DE AMOR.Marcos Grobas. 4º B ESO.

Poema de amor   Que preciosa é a música formada pola súa melodía ás que se xuntan outras voces harmoniosas harmonías.   A música que corta o silencio que dá luz ós meus adentros.   As inseguridades rulan na miña cabeza cando percibo unha disonancia, como os harmónicos unha caixa de resonancia.   Outro son semellaba aínda que só era a mesma canción reharmonizada.   E como a fin deste poema é moi impredecible finalizo esta estrofa cun acorde sensible.   Marcos Grobas. 4º B ESO.

POEMA EN GALEGO DE AMOR. Xulia, Leti e Thais. 4º B ESO.

Poema  de amor de galego    O momento no que se cruzan as miradas, e sentes o forte latexar do corazón, como se as luces estiveran apagadas, ese no que perdes a razón.   Son eses precisos momentos os que esvaecen os lamentos. Neses nos que perdes o control son nos que gaña o amor.   Xulia, Leti e Thais. 4º B ESO.

A VESIÑA DO TERSEIRO. Naiara Conde e Natalia Domínguez. 4º C ESO.

A vesiña do terseiro    Namoreime ese 4 de febreiro daquela veciña do terceiro.   Miraba pola fiestra para vela durmir a sesta.   Pedinlle axuda a Santa Rita para pedirlle unha cita.   Pero todo saíu mal cando foi a por pan de Carral.   Alí namorouse do panadeiro e eu despedinme da veciña do terceiro.   Naiara Conde e Natalia Domínguez. 4º C ESO.

POEMA DE AMOR. Moroni David Cardona Garcia. 4º C ESO.

Poema de amor   Xa sei que te fuches e que non voltarás, pero tamén sei, que xamais te poderei esquecer.   A pesar de perderte, non podo odiarte, porque o amor que che profeso, é máis importante.   Cando ti chegaches á miña vida, abrinche o meu corazón, colmáchelo de alegría, e fixéchesme perder a razón.   Moroni David Cardona Garcia. 4º C ESO.  

POEMA DE AMOR. Clara Rodríguez Gómez. 4º D ESO.

Poema de amor    Non consigo entender como aínda hoxe, por veces te bote de menos.   Cando teño un problema grande sempre penso no que ti me dirías.   Boto de menos como lle restabas importancia ás cousas malas.   Con todo o malo só me quedei co bo, con todo o que me deches e todo o que me axudaches.   Entón, como lle vou ter rancor a alguén que me fixo máis ben ca mal?   Hoxe entendín que cando queres a alguén, dáche igual da forma que sexa, pero queres a súa felicidade.   Non foi comigo, pero oxalá o sexas por sempre.   Clara Rodríguez Gómez. 4º D ESO.

POEMA DE AMOR. Uxía Bello Castro. 4º D ESO.

Poema de amor   Non serei de ninguén máis, só túa. Ata que os meus ósos se volvan cinza e o meu corazón deixe de latexar. Non sei se te quero, só sei que sen ti non vivo, só sei que sen ti morro. Se iso é querer, con todas as miñas forzas, Quérote.   Uxía Bello Castro. 4º D ESO.

POEMA DE AMOR. Pedro López Barreiro. 4º B ESO.

Cuarteta de amor   Amor, amor, sen ti que se faría amor, amor, sen ti que habería.   Cando hai amor sentes alegría, cando hai amor vives a vida.   Se estás namorado es moi afortunado se estás namorado tes a alguén ao teu lado.   Cando nace o amor non hai nada que facer cando nace o amor hai que querer.   Pedro López Barreiro. 4º B ESO.

POEMA DE AMOR. Zeus Quintáns Pinheiro. 4º B ESO.

Poema de amor    Querido baloncesto, moitas veces eu mesmo penso, “non fai falta saber xogar para poder deste xogo gozar”   Só con ver a pelota, xa sinto unha sensación, a miña cabeza estoupa, de toda esa emoción.   Todos os días quero verte, coma se de ti dependera, aínda que sexas algo inerte, non podo aturar a espera.   Gustaríame que souberas, que formas parte da miña vida, e se me faltaras a ningún outro xogo xogaría.   Quédome sen palabras, e só podo dicir unha cousa máis, pasara o que pasara, non deixaría de estar contigo endexamais.   Zeus Quintáns Pinheiro. 4º B ESO

POEMA DE AMOR. SOUMIA. 4º B ESO.

Poema de amor    Esperto cada mañá e sen ti o tempo non pasa, non podo pensar en nada se ti estás afastada   Terte comigo foi sorte un sentimento moi forte, que vai máis alá da morte xa que así perdo o norte.    Soumia. 4º B ESO

PHP Fatal error: Internal zval's can't be arrays, objects or resources in Unknown on line 0