EDL do IES MANUEL MURGUÍA - Contáctanos

EDDLG principal

POEMA DE AMOR. Carla Blanco García. 4º B ESO.

Poema de amor   Dúas mans entrelazadas dous corpos agarimosos. Verbas murmurantes beizos unidos nunha mesma loucura. O tempo que non conta, as horas que non pasan e as mans entrelazadas. Todo na vida é de cores, todo soa a música o corazón que palpita e as mans entrelazadas. Nada pasa ao seu arredor, o mundo é felicidade. Todo se pode conseguir e coas mans entrelazadas só están eles dous. Un sen o outro non son nada. Os dous son un só por iso sempre levan as mans entrelazadas.   Carla Blanco García. 4º B ESO.

EDDLG principal

POEMA DE AMOR. Adrián Baliña Blanco, Inés Senra Rodríguez e Noa Souza Souto. 4ºC ESO

Ámote por sempre, vermella Toda a noite durmín contigo fíxenche dano, alma miña? O meu corazón que ten espiñas tes que abrir porta a porta pouco a pouco, paseniño paseniño. Buscas traballo de 3 quendas xa que ninguén ve a túa coroa de cristal porque ninguén mira ben. Ti anímasme a recoller rosas aínda que non perdiches o amor que che quixen quitar. Eu ámote por sempre, vermella. Adrián Baliña Blanco, Inés Senra Rodríguez e Noa Souza Souto. 4ºC ESO

EDDLG principal

AGARIMO. Jacobo Amado e Yago Calvete Bujía. 4º B ESO.

“AGARIMO” Somos, a luz ao final da escuridade, a ledicia, despois da dor. Senlleiros, sentindo unha profunda saudade, cunha bágoa e un simple bico conmovedor. Somos, dúas ánimas bailando co vento, dous corazóns, esperando o amencer. Brétemas, devorando o quérote dun último alento, treboadas, esquecendo deixar as flores crecer. Jacobo Amado Calvo e Yago Calviño. 4º B ESO.

EDDLG principal

POEMA DE AMOR. Víctor Hugo Regueira Golán. 4º B ESO.

Poema de amor Nada sen ti ten sentido Pero contigo ó meu carón A todo lle busco razón Xustifico o inxustificable Son capaz de renegar Daquilo no que sempre crin Ás veces penso, isto é amor? Ou simplemente negación De min mesmo Porque só son capaz De pensar como ti pensas De querer o que ti queres A miña vida xira ó redor da túa vida De verdade isto é amor? Pois si o é Eu estou namorado. Víctor Hugo Regueira Golán. 4º B ESO.

EDDLG principal

POEMA DE AMOR. Beatriz Anido Torrado e Andrea Barbeito Pombo. 4º A ESO.

Poema de amor   Recórdame cando sorrías, recórdame canto quedes sen alento. Acórdate de todas esas palabras coas que che agasallei. Cando te encontres só e non saibas a onde ir, acórdate de que eu non decidín marchar.   Non me busques cando te arrepintas nin me fales máis de amor, estou esperando o teu ata sempre.   Camiña agora sen medo, buscando a felicidade que me deches, e a que ti perdiches coa mesma intensidade.   Beatriz Anido Torrado e Andrea Barbeito Pombo. 4º A ESO.

EDDLG principal

POEMA DE AMOR. Celia Rodo Vázquez Uxía Vázque Freire. 4º A ESO.

Poema de amor   Xunto a ti todo é diferente, porque non es igual có resto da xente. Só ti podes abrir o caixón do meu corazón, onde eu gardo o meu amor. Hai vellos rumores que, sen querer arruínan novos amores. Comigo non pasarás mal de amores polo tanto deixa atrás todos os temores. Un futuro perfecto está moi preto só temos que mantelo todo en segredo. Entrégoche a chave que me abre ti o único que tes que facer é ir suave.   Celia Rodo Vázquez e Uxía Vázquez Freire. 4º A ESO.

EDDLG principal

POEMA DE AMOR. Lucía Rodríguez Tuset e Noa Martínez Pombo. 4º A ESO.

Poema de amor   O meu amor por ti tan bonito como o verán é máis forte ca min e ten rumbo de capitán.   Se estou contigo non penso en nada máis por ti estou vivo tanto como nunca xamais.   Cando estamos separados noites frías sen descanso non suxiro máis ca xuntarnos para quedar canso.   Lucía Rodríguez Tuset e Noa Martínez Pombo. 4º A ESO.  

EDDLG principal

CÁLIDO INVERNO. Fátima Martínez España. 4º A ESO.

Cálido inverno.   Cunha simple mirada comeza todo; ás veces, cun sorriso tímido de por medio. E se confesamos o que sentimos a ver se sucede o que nunca imaxinaramos? Quizais non haxa próxima vez, é cuestión dunha única decisión? Unha soa conversa pode cambiar o meu mundo, cun pouco de sorte, o noso universo. En plural sempre soa mellor.   Fátima Martínez España. 4º A ESO.  

EDDLG principal

POEMA DE AMOR. Laura González Caamaño. 3º F ESO.

Por capricho do amor Doce e amargo dono dos meus actos provocador de guerras por ti se vive, pero tamén se morre. Caprichoso a máis non poder, coas voltas que dá o mundo, por que tivo que ser el? Caprichoso amor. Laura González Caamaño. 3º F ESO.

EDDLG principal

POEMA DE AMOR. Irene Ferreira Rabuñal e Lucía Dubra Castro. 4º C ESO.

Poema de amor Tan difícil e tan sinxelo soamente cunha palabra podo dicirche que te quero. Vergoña e medo atrápanme calada como gardando un segredo. Aínda non o expreso, algun día sairá? non o creo Vou, vou dicilo, que máis dá porque ti es a quen quero. Irene Ferreira Rabuñal e Lucía Dubra  Castro. 4º C ESO.