EDL do IES MANUEL MURGUÍA - Contáctanos

01.Isabel Risco (2)

I Gala audiovisual Fala de raio

abril 30, 2014 by CINE, CINEOI, CONCURSOS, FALA TV No Comments

Cine de autor e premios a esgalla onte na I Gala audiovisual Fala de raio. A actriz Isabel Risco conduciu unha gala chea de aplausos, risas e premios e cun auditorio entregado ante a calidade e o humor das dez curtametraxes realizadas polos alumnos de 1º BAC do IES Manuel Murguía. Recibiron tamén un diploma os nosos representantes en Tíralle da lingua, que unha vez máis afiaron a súa lingua para participar en Santiago neste certame de narración oral. Tamén tivemos convidados especiais: Ángeles Huerta, unha das promotoras do festival CinEOI Coruña Curtas, no que este ano a Produtora Fala de raio arrasou gañando catro premios da categoría xuvenil, e mais Jorge Saavedra, director da serie Matalobos, que unha vez máis apoiou esta iniciativa e se desprazou ata o noso instituto. Desde onte son, oficialmente, “madriña” e “padriño” da Produtora Fala de raio. Un bico forte desde Arteixo para os dous! Se queredes ver as fotos, visitade o facebook de Fala de raio.  

IES Manuel Murguía na final de Parlamento Xove 2014 no Parlamento de Galicia

Premio ao mellor dossier de investigación en Parlamento Xove 2014

O equipo do IES Manuel Murguía tivo a oportunidade de pasar unha xornada moi intensa nun lugar privilexiado: o hemiciclo do Parlamento de Galicia. Esta vez o noso equipo de debate non puido co IES de Becerreá, logo dun duro debate no que ao IES Manuel Murguía lle tocou defender a postura “en contra” no dilema “debe primar a seguridade dun país sobre a privacidade dos cidadáns?”. Non importa. Volvemos ao instituto coa satisfacción de quen viu o seu traballo recoñecido co Premio ao mellor dossier de investigación deste certame. Parabéns a Patricia, Juanlu, Darío e Iván polo seu gran traballo! Se queredes ver todas as fotos da fase de clasificación e fase final do Parlamento Xove 2014, entrade no Facebook de Fala de raio picando aquí.

Esta fin de semana, final do Parlamento Xove

E como sabedes, o IES Manuel Murguía clasificouse para a fase final, así que o venres agárdanos a primeira rolda desta eliminatoria: os cuartos de final. Os participantes nesta fase final poderán debater no Parlamento de Galicia e amosar neste grande escenario as súas habilidades retóricas. Patricia, Juanlu, Iván e Darío xa están preparados. O tema ao que se teñen que enfrontar os equipos de Bacharelato é o seguinte: A divulgación internacional do Caso Snowden deu a coñecer que a administración Obama está a controlar teléfonos e ordenadores de cidadáns particulares a través de xigantes coma Microsoft, Google ou Facebook e isto reabriu o eterno debate sobre a estreita liña que separa a liberdade individual sobre a seguridade dun territorio. Ao mesmo tempo que a sociedade sente conmoción ante o que semella un auténtico atropelo á intimidade, cada día parece que aceptamos con maior normalidade a exposición pública de información estritamente persoal e levamos connosco dispositivos que nos teñen xeolocalizados as 24 horas do día. Por tal motivo, o debate para os equipos de Bacharelato centrará a súa atención sobre a intimidade versus a seguridade: DEBE PRIMAR A SEGURIDADE DUN PAÍS SOBRE O DEREITO Á INTIMIDADE? Coma sempre, ata o momento mesmo do debate non saberán que postura teñen que defender. [...]

Tiralle da lingua 2014-01-IES Manuel Murguia (3)

Un ano máis no “Tíralle da lingua”

O IES Manuel Murguía participou un ano máis na final do festival de narración oral “Tíralle da lingua”, organizado pola ASPG. Os nosos rapaces estiveron no IES Rosalía de Castro de Santiago, onde amosaron os seus dotes escénicos arroupados polas súas clases. Carmen e Julia competiron na categoría de primeiro ciclo da ESO co espectáculo “Pais, nais e debuxos animados”. Na categoría de segundo ciclo da ESO, Jorge,  Mihai e Roque fixeron un sketch sobre “O estrés na discoteca”. Pero non só imos falar destes finalistas. En 1ºD, 2ºA, 2ºB, 2ºD e 3ºC hai moito talento oculto. Grazas a todos por participar na fase de clasificación, e o ano que vén volvede intentalo. O premio, como mínimo, ir a Santiago con toda a vosa clase. Visitade o Facebook de Fala de raio se queredes ver todas as fotos.

Curta “Pois xa que estamos”

Curta de Pablo García, Darío Pazos, Nerea Naya, Nicolás Grisanti, Gabriela Rial e Jorge Veiga de 1º BAC do IES Manuel Murguía de Arteixo, coa participación de Carlota Souto. Estes mozos só pensan no ‘único’

Curta “A herdanza”

Curta de María Boedo, Alicia Vázquez, Lara Vázquez e Jéssica Pena, de 1º BAC do IES Manuel Murguía de Arteixo. En que familia a herdanza non provocou fastidiosos problemas?

Curta “Galician Discovery”

Curta de Pablo García, Óscar Fondo e Alexander Ferreira, cun cameo estelar de Isabel Maturana. Neste capítulo de “Galician Discovery” Óscar Fondo da Xungla introdúcese nun hábitat salvaxe: o instituto público.

Curta “Un día sen auga”

Curta de Samuel Suárez, Sergio García, Manuel Queijeiro e Bilal Belkalcha de 1º BAC do IES Manuel Murguía de Arteixo. Que sería de nós sen auga?

Curta “Armando”

Curta de Jaime Muscó, protagonizada por Viberto Quinteiro, e coa colaboración de Fabián González, Lara Miñones e Manuel Tato. Armandiño, sempre armándoas

Curta “Broma a Timofónica”

Curta de Leonardo Casado, Martín Gálvez, Juan Luís Márquez e Iván Nemiña parodiando os abusos das telefónicas.