EDL do IES MANUEL MURGUÍA - Contáctanos

Bases CinEOI Curtas 2015

Aberto o prazo para a recepción de curtas no CinEOI

O IES Manuel Murguía participa un ano máis no festival de curtametraxes CinEOI, convocado polo Equipo de Normalización Lingüística da Escola Oficial de Idiomas da Coruña. Temos xa en marcha a realización de varias curtas, mais cómpre apurar. Xa está aberto o prazo para a recepción de curtas, que acaba o 6 de abril. Podedes ler aquí as bases completas do certame.  

“Moulin Rouge”, can-cán e maxia no instituto

marzo 26, 2015 by ACTIVIDADES, NO ESCENARIO No Comments

Hai momentos máxicos na vida dun instituto, e hoxe foi un deles, co traballo dos nosos compañeiros feito realidade nun escenario. Uns alumnos en estado de graza entregados ao seu labor, sabendo o que é querer facer ben as cousas. O ronsel dos aplausos seguirá enchendo as nosas aulas. Estamos a falar da magnífica representación do musical “Moulin Rouge” da que hai unhas horas fomos testemuñas todos os que enchiamos o Centro Cívico de Arteixo. Foron os alumnos de música do IES Manuel Murguía, coas súas propias voces, os que lle deron vida a este cabaret parisino. Satine e Christian loitando polo seu amor, o duque de Monroth coas súas perversas intencións, Toulouse-Lautrec como representante da bohemia decadente e libertina do París da Belle Époque, e un soberbio Zidler lembrándonos continuamente que o espectáculo debe continuar cobraron vida na interpretación de Alba, Natahel, Pedro, Esteban e Alberto. Uxía e Verónica deslumbráronnos coas súas voces: corpos brancos, mais almas negras de blues as destas rapazas! E ao seu carón, magníficos secundarios: inesquecibles o can-cán e a danza do ventre no que as alumnas do instituto comprometeron a súa reputación, como corresponde ao xénero, e inesquecible tamén o tango de Manuel e Laura, rodeados [...]

Paula Carballeira

Quentando motores para o Tíralle da lingua con Paula Carballeira

Paula Carballeira non para. Tras o éxito que acadou hai uns cantos días no Festival Internacional de Narración Oral Atlántica, rodeada dos mellores contacontos do mundo, tivémola unha vez máis no noso instituto, transmitíndonos historias, de medo, de dragóns ou de acotío, pero todas elas extraordinarias. Foi unha sorte para os alumnos de primeiro ciclo do IES Manuel Murguía asistir ao seu espectáculo. E agora, a contar vós! Lembrade que xa se convocou o concurso“Tíralle da lingua” e que, coma sempre, ten grandes premios. É a vosa oportunidade, contistas! Mirade as bases do concurso.