EDL do IES MANUEL MURGUÍA - Contáctanos

cgai-hector rodriguez presenta low costo

Héctor Rodríguez presenta Low Costo no CGAI da Coruña

junio 27, 2015 by ACTIVIDADES, CINE, CINEOI, FALA TV No Comments

O alumno de 1º BAC Héctor Rodríguez foi convidado este sábado 27 de xuño a presentar a súa curta Low costo nunha xornada especial no CGAI, o Centro Galego de Artes da Imaxe da Coruña. Nela emitíronse as curtametraxes gañadoras na pasada edición 2015 de CinEOI Coruña Curtas e os seus autores puideron explicar a súa experiencia e os seus proxectos no mundo do audiovisual.

Conversamos con Xurxo Souto

Os alumnos de 3º ESO C conversan telefonicamente con Xurxo Souto sobre a figura dun dos grandes da música galega, Pucho Boedo, con motivo da presentación sobre Pucho que fixeron no I Congreso escolar Superación e resistencia. Xurxo Souto é un persoeiro galego ben coñecido por ser o vocalista do grupo de rock bravú Os Diplomáticos de Monte Alto e por conducir durante anos varios programas sobre música galega na Radio Galega.  

Son o dono do meu destino, son o capitán da miña alma

junio 8, 2015 by ACTIVIDADES, NO ESCENARIO No Comments

Velaquí un fermoso poema inglés versionado en galego polos alumnos de 1º ESO A de Ámbitos.  Hai pouco, con motivo do I Congreso escolar Superación e resistencia, estes rapaces fixeron un excelente traballo sobre a figura de Nelson Mandela, un dos exemplos máis admirables de resistencia ante a adversidade de toda a historia mundial. Coa película Invictus de Clint Eastwood, baseada no libro O factor humano, popularizouse o poema que acompañou a Mandela durante os seus 27 anos en prisión e que o axudou a soportar o insoportable. Trátase duns fermosos versos do século XIX do poeta William Ernest Henley, que acaban así: “Son o amo do meu destino. Son o capitán da miña alma”. Pola alma de Mandela e por todas as outras almas inconquistables!  

Conversamos con Iván Prado

Velaquí un novo proxecto de Fiestra Aberta. Ainhoa , de 3º ESO D, no nome dos compañeiros da súa clase, conversa con Iván Prado. Iván Prado forma parte do colectivo Pallasos en Rebeldía e é un dos impulsores do Festiclown, o máis importante festival internacional de clown. Ambos falan sobre proxectos de circo social transformadores da realidade en lugares tan dispares como Galicia, Chiapas, Palestina ou Brasil.

Conversamos con Iván Montero

Os alumnos de 3º ESO E entrevistaron hai non moito a Iván Montero, un veciño noso de Arteixo que desgraciadamente o ano pasado perdeu as pernas nun accidente de tráfico cando adestraba coa bicicleta. Podedes ver a entrevista enteira para coñecer de preto o proceso de superación persoal este home, pai dun dos alumnos do noso instituto, que non se rende e está a prepararse para os vindeiros xogos paraolímpicos. Javi Naya, Adrián Lestón, Daniel Álvarez e Daniel Romero son os encargados de conducir esta entrevista no nome dos seus compañeiros.

oradores-bloque 2 resistencia ante a opresion (11)

O ‘imposible’ é posible

junio 2, 2015 by ACTIVIDADES No Comments

Esta mañá asistimos no noso instituto ao I Congreso escolar ‘Superación e resistencia’. O salón de actos encheuse de oradores procedentes das nosas propias clases, que con mestría presentáronnos incribles historias humanas de superación persoal e de resistencia ante a inxustiza social. Todos eles, amais de ensinarnos que eles tamén poden subir á tarima e ilustrarnos cos seus coñecementos, demostraron que con tesón e vontade podemos superar a adversidade. Podedes acceder ás fotos do congreso no Facebook, neste enlace.

0 Programa congreso escolar Superacion e resistencia

Programa do ‘I Congreso escolar Superación e Resistencia’

Mañá martes o instituto acollerá o I Congreso escolar ‘Superación e resistencia’, no que os protagonistas son os nosos propios alumnos. Haberá dúas quendas con intervencións diferentes en cada unha delas: a primeira comeza ás 10.40 h e a segunda ás 12.20 h. O salón de actos encherase para ver como temos entre nós grandes oradores que nos falarán de historias persoais fascinantes e motivadoras.