EDL do IES MANUEL MURGUÍA - Contáctanos

DSC_0404

CALIGRAMAS E POESÍA DE AMOR DO NOSO ALUMNADO

A rapazada de 4º ESO deléitanos coa súa arte literaria e plástica. Podedes contemplar nos corredores do edificio novo as súas creacións. Agardamos  que vos gusten os caligramas e poemas que fixeron. Aquí vos deixamos algunhas fotos.

DSC_0325

MARÍA CANOSA ESTIVO NO MURGUÍA

O 13 de abril agasallounos coa súa presenza a escritora María Canosa para falar da súa obra O neno Inverno, un libro que acadou moito éxito entre o alumnado de 1º ESO. Tiveron a oportunidade de charlar coa autora e preguntarlle sobre a novela, o mundo editorial, a súa vida… Agardamos que vos gustara e aproveitamos para agradecerlle de corazón a María Canosa a súa visita e a súa simpatía. Moitas grazas!!!

DSC_0291

VISITAMOS CABANA DE BERGANTIÑOS E PONTECESO.

abril 11, 2018 by ACTIVIDADES, VISITAS No Comments

O alumnado de 1º Bacharelato tivo a oportunidade de coñecer un dos monumentos megalíticos máis importantes da nosa terra: o Dolmen de Dombate. Tamén se aproveitou a viaxe  para achegarnos ao fermoso Castro de Borneiro e á casa natal do poeta Eduardo Pondal, que neste curso é obxecto de estudo na materia de Lingua Galega e Literatura e que está relacionado vital e literariamente con estes lugares. Aquí tedes algunhas fotos!  

DSC_0268

XAVIER ALCALÁ NO NOSO CENTRO

Hoxe, 4 de abril de 2018, estivo connosco o escritor Xavier Alcalá, que nos deu conta da súa visión deste convulso mundo no que vivimos e ademais falounos da súa vida, obra, e por suposto, de Cárcere Verde, novela que leron os alumnos e alumnas de 4º ESO. Esta visita é froito da colaboración que levamos a cabo ó longo do ano entre os Departamentos de Lingua Galega, Lingua Castelá, Actividades de Biblioteca, Club de Lectura e Equipo de Dinamización Lingüística do noso instituto. Agradecémoslle a súa estancia no IES Manuel Murguía. Agardamos que vos gustara!

EDDLG principal

Poema de amor. Enzo Quintáns Pinheiro. 4º B ESO.

UN AMOR PECULIAR   O meu amor é algo peculiar non se trata dunha moza, nin sequera é humano é algo que fago con todo o cariño; o que quero dicir con isto e que amo o baloncesto!   Enzo Quintáns Pinheiro. 4º B ESO.

DSC_0258

O LIBRO E A LECTURA EN FRASES DE AUTORES E PENSADORES FAMOSOS

marzo 17, 2018 by ACTIVIDADES, BIBLIOTECA No Comments

Aquí tedes algunhas mostras dos adhesivos con frases sobre o mundo da lectura que fomos colocando nas portas das aulas. Convidámosvos a que as leades e reflexionedes sobre elas. Trátase dunha actividade do Equipo de Dinamización Lingüística do noso instituto en colaboración co Departamento de Actividades de Biblioteca e co Club de Lectura. Agardamos que vos gusten!

EDDLG principal

Poema de amor. Lydia Blanco e Emma Balbís. 4º B ESO.

Queriámosnos. O suficiente como para sentirnos sen vernos. Un amor deses que rabuñan a alma, que deixan sen respiración, que te fan sorrir cos ollos pechados.   Queriámosnos.   Cando nos mirabamos por uns segundos e esqueciamos que aí, fóra dos nosos corpos, seguía a vida apestando amores que non sabían nada de quererse.   Queriámosnos.   como se queren dous amantes que nunca se despiden porque saben que volverán os bicos produto do destino xogando coas súas vidas, ou coma aqueles que nunca se despiden aínda que non se volvan ver.   Queríate. Queríasme. Queriámosnos tanto e tan forte, tan imposible, que a cagamos exactamente coa mesma intensidade.   Lydia Blanco e Emma Balbía. 4º B ESO.

EDDLG principal

AMOR EFÉMERO.Poema de amor. Aurora Ramos e Helena Carballo. 4º C ESO.

Mirábao aos ollos e vía o noso futuro, mentres me collía das mans prometéndome un amor verdadeiro, eu podía notalo, eu sentía que era puro, el ollaba para min con corazón sincero.   Non sei que pasou, pero algo cambiou, xa non era o mesmo mirar de outrora. Algo moi fondo dentro de min quebrou, mentres eu morría por el, el pensaba noutra.   Un día confesou que non sentía nada, que outra moza o corazón lle roubou, e eu quedei alí desesperada, entendendo que a nosa historia rematou.   Que dor máis profunda sinto na miña alma, todos os soños rotos nun segundo, por esta negrura que me corroe as entrañas, levando consigo o noso prezado futuro.   Aurora Ramos e Helena Carballo. 4º C ESO.  

EDDLG principal

Poema de amor. Nicolás Calvo Domato. 4º C ESO.

Día no que te levantas da cama e non pasa nada é rutina. Sentar, calar e atender, pero entón chega o timbre á xente aceléraselle o pulso e todo é unha avalancha chocas mírate e vexo ese enorme sorriso uns ollos tan azuis comparables co paraíso. Entón entendes que a rutina é maravillosa. Grazas a iso podo volver a ver o teu sorriso.   Nicolas Calvo Domato. 4º C ESO.

EDDLG principal

DE SÚPETO DESCOÑECIDO. Poema de amor de Marina Boga Bello. 4º B ESO.

Ulíao, apreciábao nos seus ollos, tristura, dor, aquela que sen piedade e consideración, un amado de súpeto descoñecido lle provocou.   Podía voar, ela podía, mais era forte por dous o seu medo ás consecuencias.   Acoirazouno, iso fixo o seu corazón, non tivo medo, reconstruíuno. El seguiría latexando, por el, por ela, e por todos aqueles corazóns, que non o puideron facer.   Marina Boga Bello. 4º B ESO.