EDL do IES MANUEL MURGUÍA - Contáctanos

DSC_0275

EXPOSICIÓN SOBRE ROSALÍA DE CASTRO.

Durante as últimas semanas, nos corredores do segundo andar, o alumnado tivo a oportunidade de traballar cunha magnífica exposición sobre Rosalía de Castro, que nos facilitou, de maneira totalmente desinteresada, a Fundación Casa Museo Manuel María de Outeiro de Rei. A vida, a obra e curiosidades sobre esta excepcional escritora,  estiveron ó alcance de todo o alumnado, persoal docente e non docente do noso instituto. Damos dende aquí as grazas aos empregados da Casa Museo Manuel María, pola súa eficiencia e por resolvernos os problemas de transporte que conleva unha exposición desta magnitude. Grazas tamén ao alumnado por respectar e coidar os paneis durante estes días.

DSC_0051

O IES MANUEL MURGUÍA DI NON Á VIOLENCIA MACHISTA

O noso instituto quere expresar a súa repulsa a todo acto de violencia machista, polo que durante esta semana queremos homenaxear a todas aquelas mulleres asasinadas, vítimas deste tipo de violencia. Por isto, estamos a realizar lecturas de poemas, proxeccións e actos de concienciación para o alumnado e toda a comunidade educativa, co obxectivo de que esta situación mude. Non permitamos que ningunha muller máis se convirta en vítima! NON Á VIOLENCIA MACHISTA!!  

DSC_0232

CASTELAO MAXISTRAL. A DERRADEIRA LECCIÓN DO MESTRE.

O alumnado do noso instituto achegouse á sempre recomendable cidade compostelá para contemplar esta magnífica obra que Castelao pintou como homenaxe a Alexandre Bóveda, e a todos aqueles que foron asasinados durante a represión franquista. Tratábase dunha oportunidade única, xa que este cadro regresará a Arxentina proximamente. O alumnado tamén tivo a oportunidade de pasear pola cidade e gozar dos seus monumentos e da súa gastronomía. A visita completámola achegándonos ao Museo das Peregrinacións. Queremos agradecer aos guías da Exposición Castelao Maxistral, e do Museo das Peregrinacións, a súa profesionalidade e as magníficas explicacións coas que nos deleitaron. Grazas tamén ao alumnado polo seu exemplar comportamento!    

DSC_0047

REAL ACADEMIA GALEGA E ROTEIRO POLA CORUÑA (30 de outubro e 6 de novembro, 2018)

octubre 30, 2018 by ACTIVIDADES, VISITAS No Comments

O alumnado de 4º ESO realizou un percorrido polas rúas coruñesas para coñecer lugares como as casas onde viviron Rosalía de Castro, Manuel Murguía, Francisca Herrera Garrido, a sede da editorial Nós e da revista Alfar,  o lugar da primeira exposición de Picasso, o monumento a Curros, o  lugar onde se crearon as Irmandades da Fala,  a casa de Juana de Vega,  o monumento en homenaxe a Sir John Moore… A continuación achegámonos á Real Academia Galega e á Casa Museo Emilia Pardo Bazán. Aquí a rapazada recibiu información sobre esta institución e as súas funcións, ademais de coñecer a historia da escritora a quen pertenceu este inmoble. Agradecemos o comportamento do alumnado e a acollida por parte dos empregados e empregadas da RAG.  

Baixa (13)

MUTANTE CREATIVO E O NOSO ALUMNADO DÉIXANNOS UN FERMOSO MURAL NO MURGUÍA.

Esta semana estiveron connosco os polifacéticos artistas de MUTANTE CREATIVO, moi activos e coñecidos no mundo do graffiti e o muralismo, dentro e fóra das nosas fronteiras. Ademais son responsables da organización de eventos tan coñecidos neste eido como os festivais DesOrdes Creativas (Ordes), ou RExenera Fest (Carballo), por poner algún exemplo. Sokram e Mou impartiron un obradoiro de arte urbana, no que explicaron a historia desta corrente plástica, e ensináronlle, de maneira práctica, á rapazada do IES MANUEL MURGUÍA como se realiza un mural. Familiarizámonos co uso de aerosois e como resultado deixáronnos un excelente traballo que podedes ver nas fotos que engadimos máis abaixo. Temos que agradecer tamén á Deputación da Coruña a súa colaboración connosco a través da campaña “O galego a nosa lingua propia”, por facer posible esta actividade. Moitas grazas a toda a xente que participou dun xeito ou outro neste mural!!

DSC_0459

FERMOSO AGASALLO DA PROFESORA ROSA MOSQUERA COTO

Esta semana a nosa queridísima compañeira, a profesora Rosa Mosquera Coto, entregounos un magnífico libro, elaborado de xeito artesanal por ela mesma, onde se recollen os traballos poéticos que o noso alumnado realizou no mes de febreiro de 2018, co gallo da celebración do Día dos Namorados. Neste volume II, continuación  daquel co que ela tamén nos agasallou no 2017, os mozos e mozas do IES Manuel Murguía amósannos que en Arteixo hai futuro para a poesía. Convidámosvos a que veñades á nosa biblioteca, para ver o exemplar deste ano e tamén o do ano anterior, ambos de belísima factura.   MIL GRAZAS, ROSA!!! NON TE ESQUECEMOS!!!

DSC_0010

CONECTADOS CO INSTITUTO CAÑADA BLANCH DE LONDRES

Neste final de curso puidemos levar a cabo unha videoconferencia co Instituto Vicente Cañada Blanch de Londres, onde se imparte a materia de Lingua Galega. Grazas a colaboración coa nosa compañeira, a profesora Begoña González Rei, que é docente nese centro, a rapazada puido gozar dunha amena conversa cos seus compañeiros e compañeiras londinenses, que se expresaban magnificamente na lingua de Rosalía. Tratáronse temas tan dispares como os videoxogos, as cacharelas de San Xoán, ou  o día a día da vida en Londres e Arteixo. Queremos dende Arteixo agradecer a vosa simpatía, especialmente a Begoña, por realizar o excelente traballo que está a desenvolver na capital inglesa. Parabéns a tod@s!!! Vémonos en Arteixo, ou en Londres!  

Teresa Seara no concello Arteixo

O IES MANUEL MURGUÍA DEFENDE A NOSA TOPONIMIA.

junio 11, 2018 by BLOG, CIENCIA, VISITAS No Comments

A rapazada do noso instituto loita por cambiar a toponimia castelanizada da nosa cidade. Proba disto é a visita que fixeron ao concello para buscar apoios na súa campaña para que Google modifique a denominación Arteijo, pola autóctona e oficial, Arteixo. Esta reivindicación é froito dun estudo que está desenvolvendo o alumnado de 2º B ESO, no marco do proxecto: “Superdiversidade lingüística en áreas periurbanas. Análise escalar de procesos sociolingüísticos e desenvolvemento da conciencia metalingüística en aulas multilingües”. Este traballo  estano levando a cabo as investigadoras da Universidade de Santiago de Compostela, Gabriela Prego Vázquez e Luz Zas Varela, en colaboración coa profesora do noso centro, Teresa Seara e o seu alumnado de 2º B ESO. Trátase du proxecto a través do cal a rapazada analiza a paisaxe lingüística do concello de Arteixo. Cando estaban traballando, decatáronse de que non se estaba empregando a forma correcta nos mapas de Google. Por este motivo, decidiron enviarlle unha carta a esta multinacional solicitando o cambio pola topónimo oficial, Arteixo. Moita sorte coa vosa reivindicación!! Parabéns polo traballo realizado!!

DSC_0007

RECITAL POÉTICO DE PURA TEJELO NO IES MANUEL MURGUÍA.

Hoxe, tivemos o inmenso pracer de que volvera ó noso instituto a profesora e compañeira , Pura Tejelo. A autora de A elegancia do século (obra coa que gañou o Premio Johán Carballeira no ano 2016), fixo as delicias dos presentes no acto cun magnífico recital poético, acompañada de antigos alumnos, e unha excelente análise da obra. Tamén tivo tempo para falar distendidamente coa rapazada sobre poesía e curiosidades relacionadas co mundo literario. Foi un acto moi emotivo e que nos colmou de ledicia. Queremos agradecer aos asistentes ao acto o seu comportamento, e a Pura Tejelo a súa simpatía. Tamén desexamos felicitala pola segunda edición deste magnífico libro. Moitas Grazas!!!    

DSC_0026

PRESENTACIÓN DE VÉRTICE DE VERSOS E ENTREGA DE PREMIOS DO EDL.

O director de cine, Carlos Lorenzo, presentou no noso centro o excelente traballo documental, VÉRTICE DE VERSOS. Trátase dun filme que dá conta do fantástico momento que vive a nosa poesía, xurdida da man de poetas novos que están conquistando, non só lectores en Galicia, senón tamén máis aló das nosas fronteiras. A profesora Teresa Seara foi quen conduciu a presentación e fixo posible que esta obra se proxectara no IES Manuel Murguía. Aproveitando a ocasión, pedímoslle a Carlos que fixera entrega dos premios do Equipo de Dinamización Lingüística, ó que accedeu moi amablemente. Os galardoados foron: -David Sánchez Ferrol, como gañador do II Certame de Poesía Viveiro de Poetas do IES Manuel Murguía. -Azahara Díaz Rodríguez, vencedora no II Certame de Deseños Adhírete ás Letras. -Verónica Rodríguez Rossi, accésit no certame de debuxos citado arriba.