EDL do IES MANUEL MURGUÍA - Contáctanos

IMG-20200306-WA0002

A MULLER Ó PODER NESTA SEMANA DO 8 DE MARZO.

marzo 6, 2020 by ACTIVIDADES No Comments

Un grupo de sufraxistas reivindicou o dereito a voto no IES Manuel Murguía de Arteixo. Tratouse dun acto simbólico para lembrar un dos acontecementos máis importantes ó longo da historia do feminismo. O profesorado implicouse de maneira exemplar nesta representación que nos levou atrás non tempo, e que nos fai pensar no longo camiño que se leva andado e no moito que queda por andar. PARABÉNS PARA ESTA FERMOSA INICIATIVA DO PERSOAL DOCENTE E NON DOCENTE DO MURGUÍA!! ÁNIMO E FORZA, COMPAÑEIRAS!!        

DSC_0024

ANDREA MACEIRAS NO MURGUÍA.

marzo 4, 2020 by ACTIVIDADES, VISITAS No Comments

04-04-2020 Este ano volvemos contar coa presenza da escritora Andrea Maceiras, quen nos agasallou cunha dobre sesión de conferencias: unha primeira no salón de actos do noso instituto para falar de O QUE SEI DO SILENCIO, con alumnado de 4º ESO; e unha segunda no centro cívico de Arteixo, sobre EUROPA EXPRESS, para alumnado de 3º ESO. As dúas foron moi entretidas e a rapazada puido conversar con ela e preguntarlle sobre ambas obras e sobre o mundo da edición e da escritura profesional. Queremos agradecer a Andrea Maceiras a súa profesionalidade e simpatía; á editorial Xerais que nos facilitara a súa presenza; e ó Departamento de Cultura do Concello de Arteixo a cesión do centro cívico para acoller a gran cantidade de alumnado que acudiu ás conferencias. Parabéns!!      

DSC_0061

EXPOSICIÓN FOTOGRÁFICA SOBRE VERSOS DE ROSALÍA DE CASTRO.

marzo 4, 2020 by ACTIVIDADES No Comments

03-03-2020 Este ano decidimos facer unha homenaxe a Rosalía de Castro, co gallo do seu aniversario, cunha exposición fotográfica sobre versos da autora que promoveu tamén a Asociación de Escritores en Lingua Galega (AELG). O alumnado realizou unhas magníficas instantáneas e debuxos que nos serviron para complementar outros traballos que asemade realizaron dende a biblioteca escolar. Podedes contemplar ambas exposicións nos corredores de biblioteca e da cafetaría.    

DSC_0003

POEMAS DE AMOR DO ALUMNADO. 14 FEBREIRO 2020.

Xa podedes ler os poemas que escribiron os vosos compañeiros e compañeiras, co gallo da celebración do 14 de febreiro. Van estar expostos os próximos días nos taboleiros do corredor da biblioteca e ademais podedes lelos tamén nesta páxina, no apartado “blog”. Agardamos que vos gusten!!!  

DSC_0061

EXPOSICIÓN “GALICIA, UN RELATO NO MUNDO” E MUSEO DO POBO GALEGO

enero 28, 2020 by ACTIVIDADES, VISITAS No Comments

28-01-2020 e 11-02-2020. Estes últimas semanas viaxamos ata  Santiago de Compostela, con alumnado de 1º Bacharelato e 3º ESO, para visitar a excepcional exposición Galicia, un relato no mundo. Alí  puidemos ver impresionantes mostras da cultura universal, que dun ou doutro xeito teñen relación coa nosa terra. Entre as pezas que contemplamos estaban: Santa de Asorey, o Cancioneiro da Biblioteca Vaticana, o Libro das Invasións, o Intinerario de Exeria, o  Mapa Sawley, dous Codex Calixtinus iluminados, ou a fantástica Biblia Kennicott. Trátase dunha exposición magnífica, que se pode visitar incluso en varios días para tirarlle un maior aproveitamento. Previamente achegámonos ó Museo do Pobo Galego e ó Panteón de Galegos Ilustres. Nestes lugares puidemos renderlles homenaxe a figuras alí soterradas como Castelao, Rosalía de Castro, Asorey, Ramón Cabanillas, Alfredo Brañas, ou Domingo Fontán. Pensamos que foi unha viaxe moi ben aproveitada e agardamos que ó alumnado lle sirva para coñecer e aprezar, aínda máis, a nosa cultura. Parabéns a toda a rapazada polo excepcional comportamento ó longo de toda a xornada!!

DSC_0049

CONTACONTOS GALEO/INGLÉS CON CHARO PITA E PATRICIA MACGILL

O martes, 21 de xaneiro, alumnado de 1º, 2º ESO, e rapazada do club de lectura tiveron a sorte de asistir a unha sesión de relatos orais en galego e inglés, a cargo das actrices Charo Pita e Patricia McGill. Os contos, procedentes de diferentes culturas e países, serviron para achegarnos a diversas maneiras de entender o mundo e tamén para comprender que as cuestións que nos preocupan, en realidade, son as mesmas. Grazas a Charo Pita e Patricia McGill, e parabéns polo seu comportamento, unha vez máis, ao alumnado do Murguía.

IMG_5739

YOLANDA CASTAÑO NO IES MANUEL MURGUÍA DE ARTEIXO.

28-11-2019 Dentro das actividades contra a violencia machista que o Equipo de Coeducación vén desenvolvendo ó longo deste curso (en colaboración con outros departamentos, entre os que están: EDL, Biblioteca,…), visitounos a escritora e dinamizadora cultural, Yolanda Castaño. A conferencia tivo lugar no salón de actos do noso instituto e versou sobre a poesía, a muller escritora, a igualdade e tamén serviu para facer un percorrido pola súa biografía literaria, dende os primeiros textos e premios ata a actualidade. Foi un acto de extraordinario interese ó que acudiron alumnos e alumnas de 4º ESO. Estamos seguros de que despois desta conferencia a rapazada do centro reflexionará sobre os temas aquí tratados e terá unha visión crítica do que acontece na sociedade actual. Parabéns a tod@s e un millón de grazas a Yolanda Castaño por visitar o noso instituto e agasallarnos coa súa poesía e a súa sabedoría!

Captura de pantalla (5)

FASE FINAL DO TÍRALLE DA LINGUA

O día 28 de novembro tivo lugar no Pazo de Congresos de Santiago de Compostela a fase decisiva do TÍRALLE DA LINGUA. Trátase dun concurso de relatos orais para escolares no que levamos participando varios anos, e incluso en varias edicións fomos galardoados con algún premio. Este ano non puido ser, pero as nosas actrices fixeron un papel moi digno, nun certame que se caracterizou pola alta participación e a calidade dos contos. Queremos agradecer ó alumnado participante, ós compañeiros e compañeiras que os animaron, á organización e ó profesorado que os acompañou a Compostela. O ano que vén volveremos para tentar traer connosco algún premio. Parabéns a tod@s!!!

DSC_0077_01

25 N. O IES MANUEL MURGUÍA CONTRA A VIOLENCIA MACHISTA.

noviembre 25, 2019 by ACTIVIDADES No Comments

O colectivo de profesorado, alumnado e persoal non docente do IES MANUEL MURGUÍA  de Arteixo dixo NON á violencia machista ó longo de toda a semana pasada, e culminou os actos este luns, 25 N,  cun partido de fútbol mixto, para defender a igualdade e denunciar a violencia a través dun lema: MACHISMO, FÓRA DE XOGO! Léronse poemas, manifestos, vestímonos con camisetas nas que deixabamos clara a nosa repulsa á violencia machista, e finalizamos cun encontro deportivo, no que rapazas e rapaces marcaron moitos goles ó maltrato. Debemos agradecer ao alumnado o seu excepcional comportamento e compromiso, a todo o profesorado (en especial a Rosana, profe de Plástica, pola magnífica parcarta que nos confeccionou), ó concello de Arteixo por facilitarnos material e o acceso ó Pazo dos Deportes, e sobre todo ao Equipo de Coeducación do noso instituto, que botou a andar este ano, e xa estamos a recoller os primeiros froitos. Grazas a tod@s!!! MACHISMO, FÓRA DE XOGO!!!  

DSC_0108

TÍRALLE DA LINGUA. PREMIOS FASE PREVIA.

14 – 11 -2019 A semana pasada tivo lugar no salón de actos do Murguía a fase previa do concurso de relatos orais, TÍRALLE DA LINGUA, no que houbo un nivel altísimo nos competidores  e competidoras, ós que felicitamos polas súas soberbias actuacións. Foi moi complicado elixir os gañadores deste ano, que nos representarán ademais na fase final a celebrar proximamente en Santiago de Compostela. Despois dunha dura deliberación o xurado elixiu como vencedora a Laura Canedo (3º E ESO); e como segundas clasificadas a Carolina Castro (1º B ESO) e Julia Meléndez (1º H ESO). Parabéns ás vencedoras e tamén a tod@s @s participantes, que nos deleitaron cos seus fermosos relatos orais!!! Moita sorte para a fase final de Santiago!!!