EDL do IES MANUEL MURGUÍA - Contáctanos

Segundo premio: “Crónica dun secuestro anunciado”

Curta de Alexandra Álvarez, Víctor Bellón, Miguel Díaz, Khadija Elomrani, Juan Manuel Fontenla, Lara Miñones, Esteban Rodríguez e Daniel Souto de 1º BAC do IES Manuel Murguía de Arteixo.

Curta gañadora: “Atrapados”

Velaquí o primeiro premio da categoría xuvenil do certame CinEOI Coruña Curtas. É unha curta de Patricia Caramés, Cintia Canedo, Yago Otero, Alba Padín e María Suárez, de 1º BAC do IES Manuel Murguía de Arteixo, coa colaboración de Diego Viña.

CinEOI Coruña Curtas 04 - actrices de Dias Felices con Isabel Risco

Actrices do IES Manuel Murguía con Isabel Risco

Algunhas das actrices do noso instituto poden presumir de estar conversando na gala CinEOI 2014 cunha das actrices máis simpática, máis crítica e máis en forma do noso panorama audiovisual, Isabel Risco, que xustamente onte levou o premio Mestre Mateo á mellor actriz de reparto polo seu papel na comedia “Era Visto!” da TVG.

Entrega primeiro premio da categoría xuvenil CinEOI 2014

Os creadores de “Atrapados” con Isabel Blanco

Os gañadores do primeiro premio da categoría xuvenil do certame CinEOI Coruña Curtas 2014 recibiron o premio dunha das actrices de moda, Isabel Blanco, que vén de gañar onte o premio á mellor actriz protagonista pola película “Todos os santos” nos premios Mestre Mateo.

Noticiero de Arteixo - IES Manuel Murguia premiado en CinEOI 2014

A prensa recoñece o bo facer audiovisual do IES Manuel Murguía

A prensa faise eco do grande éxito de Producións Fala de Raio no certame CinEOI 2014 e louba o traballo dos alumnos do Manuel Murguía. Podédelo ver no Noticiero de Arteixo e en StadioSport.

Curtas premiadas na sección xuvenil de CinEOI

Avalancha de premios en CinEOI 2014

Os catro primeiros premios da categoría xuvenil do certame CinEOI Coruña Curtas 2014 leváronos curtas presentadas polos alumnos de 1º BAC do IES Manuel Murguía, a través da súa produtora Fala de raio. “Atrapados“ conseguiu o primeiro premio, cunha dotación económica de 200 euros. Parabéns para Cintia, Patricia, Iago, Alba e María por este exitazo postmoderno O segundo premio foi para o thriller cómico “Crónica dun secuestro anunciado“, mérito de Alexandra, Lara, Víctor, Khadija, Juan Manuel, Daniel, Alejandro, Miguel e Esteban. “Vidas paralelas“ levou o terceiro premio. Alba F e Alba V non dan puntada sen fío. Coa axuda de Lucía, Fabio, Sheila e Irene sorprenderon ao xurado cunha enxeñosa curta. E o cuarto premio neste concorrido certame foi para “Días felices“, no que Gabriela, Estefanía, Carla, Andrea e Juan José lle poñen rostro a unha das máis serias problemáticas sociais que padecemos, baixo a dirección de Rubén e de Anabel. O xurado decidiu así, pero outras curtas puideron gañar, dado o gran nivel desta edición. Animávosvos a ver tamén as outras obras que presentaron ao certame os alumnos de 1ºBAC do instituto: “A herdanza“, “Armando“, “Broma a Timofónica“, “Galician Discovery“, “Pois xa que estamos” e “Un día sen auga“.  Parabéns a todos [...]

CinEOI Coruña Curtas - Gala de entrega de premios con Isabel Blanco

Hoxe é a gala de entrega de premios CinEOI Coruña Curtas

Hoxe ás 20 h terá lugar a gran gala de entrega de premios do Certame CinEOI Coruña Curtas, coa participación este ano da actriz Isabel Blanco, que segue o ronsel doutros grandes actores que acudiron en anos anteriores, como Luís Tosar ou Luís Iglesia. A nova produtora audiovisual do instituto, Producións Fala de raio, presenta nada menos ca 10 curtas á sección xuvenil deste certame, así que alí estaremos, cruzando os dedos a ver se cae algún premio en Arteixo. Seguro que si!      

Tíralle da lingua no IES Manuel Murguía

Xa temos representantes para o Tíralle da lingua

Onte  no Salón de Actos tivo lugar a fase de selección dos nosos representantes para o concurso de contacontos do Tíralle da lingua que vai ter lugar en Santiago o vindeiro 24 de abril. Na categoría de primeiro ciclo os nosos representantes van ser Julia López Canay e Carmen Martínez Canedo, de 1º ESO C, co espectáculo “Pais, nais e debuxos animados”. Na categoría de segundo ciclo, Jorge Gálvez Nemiña, Mihai Anton Gaspar e Roque Ruíz Soto, de 3º ESO B, volverannos representar por segundo ano consecutivo, centrándose esta vez no “Estrés na discoteca”.  Que cracks! A preparar e afinar o noso espectáculo e ánimo!!

CANTO-SABES-DE-13-pregunta

Canto sabes de? 13

Que prazo teño para contestar? Do luns 24 de febreiro ao domingo 9 de marzo. Ánimo! Nesta ocasión tes DÚAS semanas para contestar! Hai grandes premios? Si, un premio para o acertante de máis preguntas de cada ciclo. Os premios recibiranse en maio. Como fago para contestar? Cubre o formulario:

CANTO-SABES-DE-12-pregunta

Canto sabes de? 12

Que prazo teño para contestar? Do luns 17 de febreiro ao domingo 23 de febreiro. Hai grandes premios? Si, un premio para o acertante de máis preguntas de cada ciclo. Os premios recibiranse en maio. Como fago para contestar? Cubre o formulario: