EDL do IES MANUEL MURGUÍA - Contáctanos

dsc_0374

ENTREGA DE PREMIOS DO CERTAME “Medo me dás!”

O venres 12 de novembro fixemos entrega dos premios do certame de relatos de terror Medo me dás!. Despois dunha longa deliberarión, debido á calidade dos textos, e despois de ter en conta criterios literarios, de corrección lingüística,  orixinalidade,  etc; concluímos que o gañador debería ser o relato A visita, de Jorge Sotelo Mancebo, xa que á calidade narrativa dun texto escrito por un neno de 3º ESO se sumaba a corrección lingüística. O segundo premio acadouno Alba Figueroa Paniza co terrorífico texto O pasado sempre volve, un relato que nos achega ós contos clásicos de medo que todos escoitamos cando eramos pequenos. E o accésit recaeu no orixinal texto de Sofía Mabel Vecino Fariña Prohibida Obsesión, un relato de terror psicolóxico moi orixinal, no que se emprega con mestría un narrador en segunda persoa. Os tres son textos altamente recomendables e calquera deles podería ser o vencedor. Tamén nos gustou moito o relato A muller de Carla Blanco García, unha alumna de segundo de ESO á que lle auguramos un bo futuro no mundo das letras. Parabéns a tod@s e moitas grazas por participar!    

Prohibida obsesión

Véxote alí sentada, esperando, nunca sei en qué pensas, pero fascíname observarte dende onde ti non podes saber que o fago, encántame sentir que é un xogo de dous a pesar de que non o sexa, pónme nervioso, excítame e cálmame a partes iguais. Non te coñezo, non me coñeces, pero é o noso xogo. Preciosa; estás simplemente espléndida: cos teus zapatiños náuticos azuis que bailan distraídos graciosamente complementando ás medias verdes que cobren eses pés que aínda que non os vexa sei que son un dos extremos de perfección en que termina o teu fantástico corpo; enamórame que só cubran os teus xeonllos, os teus muslos tersos deixanme imaxinar cómo sería acariñalos e sentir como reacciona a túa pel erizándose e esa falda azul con ese voo que consegue enrabietarme, eses pregos, qué sortudos; polo verde, froxo, non me deixa intuir a túa silueta, con clase, pegado ás bonecas. Non sei o teu nome pero mereces que sexa Beleza, ese é o que susurrarei cando atente contra Deus e exerza o meu amor propio. Levántaste daquel banco e acomodas a túa falda, pasas as mans sobre ela, alisándola, querendo quitar calqueira imperfección e eu mórdome os beizos, quero arrancala e daríame [...]

O pasado sempre volve.

“Nunca fun eu moi de historias, a verdade, pero creo que esta paga a pena contala. Servirache a modo de lección, a ti e a quen a precisa, estou segura. Farán xa uns catro anos que Miranda apareceu en escena. Coma todos os nenos, encantábanlle os contos e as lambetadas. A última casa da rúa tiña de ambos, e alí que foi o primeiro verán que pasou na vila. Sendo tan cativa coma era; nove anos non son moitos que se diga; non dubidou da boa fe da pobre vella que llos subministraba. Todas as tardes os seus ollos verdes se depositaban na pantalla do televisor daquel lugar. E tamén todas as tardes tiña a liberdade de comer e xogar con todo canto atopara nesas salas. A cambio, debía gardar o segredo. Ninguén podía saber que ela pasaba alí o tempo. A vella explicoulle que se algún outro neno coñecía o que alí acontecía, querería quitarlle o sitio. Miranda, que sentía xa moito agarimo por aquelas catro paredes, decidiu calar. Unha tarde de moito calor en pleno agosto, a nena xogaba no salón cunha pelotiña de goma que máis que para nenos asemellaba para cans. Pouco lle importaba cando, ao caer o [...]

A Visita

Don Xulio volvía a casa despois de facer a compra. Cargaba en bolsas os suministros mínimos para sobrevivir, xa que as súas dores de espalda crónicas e a ausencia de ascensor no seu edificio facían imposible a viaxe se levaba máis peso. Entrou no portal e mirou se tiña correo. Efectivamente, había unha carta dun amigo seu de Madrid, co que estaba xogando unha partida de xadrez por correspondencia. Entre a morte da súa muller e a xubilación quedoulle moito tempo libre. Meteu a carta nunha das bolsas e subiu polas escaleiras con moito esforzo pese a estar acostumado. Cando chegou á súa porta deixou as bolsas no chan e colleu as chaves do peto da súa chaqueta. Entón abriuna, meteu as bolsas e pechou con el dentro do piso. Foi directo á cociña para gardar a compra. Logo de rematar a tarefa doméstica, foi ate o salón para ver as noticias do mediodía. Para a súa sorpresa, atopou a unha rapaza sentada no sofá. Resultáballe moi familiar o seu rostro. Decatárase ao instante da identidade dela, pero pola súa saúde mental esperaba equivocarse. Ola Xulio!- dixo a rapaza. Don Xulio quedara sen fala. Tiña que ser unha alucinación ou un soño [...]

eu son

Concurso narrativo : Eu son…..

Escribe unha narración explicando como se vive nunha aldea: como pasas o tempo libre, en que consiste o traballo e se axudas nos labores do campo. Conta como vides ata o colexio…. etc. Faino en primeira persoa e publícao no blog de “Fala de raio” antes do 31 de xaneiro. Colócalle as etiquetas “concurso literario”, “Eu son”. As mellores teñen premio

II Concurso de relatos do outono-horizontal

II concurso literario do outono

Tras o grande éxito do “I Concurso de contos de medo” do ano pasado, Fala de raio convoca o “II Concurso literario do outono”. Que teño que facer? 1. Escribir un relato antes do 30 de novembro. 2. Cunha extensión máxima de 500 palabras. 3. O tema é libre 4. É obrigatorio introducir no conto as seguintes palabras: avogado, magosto, purpurina, maxia, rodaballo. 5. Ponlle a etiqueta ‘concurso do outono’. 6. Publícao na páxina faladeraio.es, na sección “Eu falo”. Haberá premios? Claro. Mira o premio da anterior edición. Se non son usuario da páxina, como podo publicar? Vai á sección Participa  (pódela ver na parte superior dereita da páxina). Cubre o formulario e no texto da mensaxe solicita un usuario para o blog “Eu falo”. No prazo máximo dun día recibirás no teu correo electrónico un Usuario e un Contrasinal e as instrucións para entrar na páxina. Se xa son usuario da páxina, como podo publicar? Entra no teu panel de control picando aquí. Introduce o teu Usuario e Contrasinal. Na pestana Entradas, “Engade unha nova entrada” co teu conto. Pica na categoría “Literario” Ponlle ao teu texto a etiqueta “concurso outono” Se non me aclaro, que podo facer? Escribe un correo electrónico [...]

Nerea Cotelo recibe o seu premio como gañadora do certame "Contos de medo" do curso 2013-2014

Recolle o seu premio a gañadora do certame “Contos de medo” do curso 2013-2014

Nerea Cotelo por fin recolle o seu premio como gañadora da edición do concurso Contos de medo do curso pasado co seu conto “Bágoas de sangue”, que escribiu en 3 entregas (podes lelo aquí, aquí e tamén aquí). Parabéns de novo, Nerea! E vós, ide quentando! Nos vindeiros días convocarase a nova edición do concurso literario do outono para este curso.  

bagoas de sangue - nerea cotelo - medo me da

“Bágoas de sangue” gaña o concurso de contos Medo me dá

Parabéns a Nerea Cotelo García, de 1ºESO C, gañadora do certame de contos de medo convocado no outono por Fala de raio. O seu relato gustoulle moitísimo ao xurado, pero tamén aos seus compañeiros e lectores, como amosan os comentarios nos seus posts. Se vos apetece, podedes reler esta fantástica historia no blog Eu falo, dividida en tres entregas: aquí, aquí e tamén aquí. E mañá, antes da gymkana, entrega do premio! Nerea, ven recollelo!!!

Cartel do concurso de contos de medo do IES Manuel Murguía

Concurso “Medo me dás”

Participa no novo concurso do IES Manuel Murguía e fai un conto terrorífico. Onde publico o meu conto? Na sección “Eu falo” deste portal. Se non son usuario da páxina, como podo publicar? Vai á sección Participa  (pódela ver na parte superior dereita da páxina). Cubre o formulario e no texto da mensaxe solicita un usuario para o blog “Eu falo”. No prazo máximo dun día recibirás no teu correo electrónico un Usuario e un Contrasinal e as instrucións para entrar na páxina. Se xa son usuario da páxina, como podo publicar? Entra no teu panel de control picando aquí. Introduce o teu Usuario e Contrasinal. Na pestana Entradas, “Engade unha nova entrada” co teu conto. Pica na categoría “Literario” Ponlle ao teu texto a etiqueta “medo” Se non me aclaro, que podo facer? Escribe un correo electrónico a faladeraio@gmail.com explicando o que che pasa. Axudarémoste. Haberá premios? Claro, e serán terroríficos. Cando recibirei o premio? A entrega dos agasallos terá lugar na gala final de curso. Premiarase aos vencedores de todos os concursos promovidos por Fala de raio.