EDL do IES MANUEL MURGUÍA - Contáctanos

DSC_0010

CONECTADOS CO INSTITUTO CAÑADA BLANCH DE LONDRES

Neste final de curso puidemos levar a cabo unha videoconferencia co Instituto Vicente Cañada Blanch de Londres, onde se imparte a materia de Lingua Galega. Grazas a colaboración coa nosa compañeira, a profesora Begoña González Rei, que é docente nese centro, a rapazada puido gozar dunha amena conversa cos seus compañeiros e compañeiras londinenses, que se expresaban magnificamente na lingua de Rosalía. Tratáronse temas tan dispares como os videoxogos, as cacharelas de San Xoán, ou  o día a día da vida en Londres e Arteixo. Queremos dende Arteixo agradecer a vosa simpatía, especialmente a Begoña, por realizar o excelente traballo que está a desenvolver na capital inglesa. Parabéns a tod@s!!! Vémonos en Arteixo, ou en Londres!  

DSC_0026

PRESENTACIÓN DE VÉRTICE DE VERSOS E ENTREGA DE PREMIOS DO EDL.

O director de cine, Carlos Lorenzo, presentou no noso centro o excelente traballo documental, VÉRTICE DE VERSOS. Trátase dun filme que dá conta do fantástico momento que vive a nosa poesía, xurdida da man de poetas novos que están conquistando, non só lectores en Galicia, senón tamén máis aló das nosas fronteiras. A profesora Teresa Seara foi quen conduciu a presentación e fixo posible que esta obra se proxectara no IES Manuel Murguía. Aproveitando a ocasión, pedímoslle a Carlos que fixera entrega dos premios do Equipo de Dinamización Lingüística, ó que accedeu moi amablemente. Os galardoados foron: -David Sánchez Ferrol, como gañador do II Certame de Poesía Viveiro de Poetas do IES Manuel Murguía. -Azahara Díaz Rodríguez, vencedora no II Certame de Deseños Adhírete ás Letras. -Verónica Rodríguez Rossi, accésit no certame de debuxos citado arriba.

DSC_0080

CATRO PREMIOS NO CinEOI DA CORUÑA

Un ano máis o IES Manuel Murguía volve con varios premios do Festival de Curtametraxes CinEOI da Coruña. Novamente os nosos cineastas souberon cativar ao xurado coas súas creacións que van dende o terror, ata a acción trepidante, ou a denuncia social a través de sentidas mensaxes contra a violencia de xénero. Os gañadores foron: 1º Premio: Claudia Veiga Riveiro e Nicolás Calvo Domato, por NIN UN SEGUNDO MÁIS. 2º Premio: Pedro Manuel López Garrido, Rodrigo Rial Martínez, Aness Ennajjai Backchi, Abdelhadi Daanouni, Adrián Martínez García, Iván Costa Vilariño e Darío Souto Pombo; por SKINS. 3º Premio: Yael Martínez Cotelo, Nerea Cotelo Villaverde, Ariadna Díaz Romero e Aitana Carnota Angulo; por HIDE & SEEK. Premio Ben Falado: Soraya Rivas Tomé, Carla Piñeiro Martínez, Carmen Martínez Canedo, Carla Pazos Barbón, Safae Lemsahri Taiz, Andrea Alvedro Canedo; por DOBRE CARA. Queremos tamén agradecer a todos os que participastes coas vosas curtametraxes (enviamos 11 películas ao certame), polo excelente traballo realizado, xa que todas tiñan un alto nivel. Moitas grazas a todos vós e aos responsables do Festival cinEOI da Coruña pola fabulosa organización e o trato recibido!!! Parabéns!!! Da gusto traballar con alumn@s así!!! CURTAMETRAXES:  1º PREMIO: NIN UN SEGUNDO MÁIS. 2º PREMIO: SKINS. https://youtu.be/10QcG0HN_Cc 3º [...]

Curtametraxes presentadas a cinEOI 2017

Aquí tedes as curtametraxes que se presentaron do noso centro para participar no festival cinEOI 2017 Nós, familia Unha relación tóxica Dobre identidade Problemas e máis problemas Celos matadores Día 13 A rosa seca Problemas de estudantes A sorte de Pepa A linguaxe dos teus ollos Nais Un roubo inesperado        

DSC_0157_01

CinEOI 2017. O NOSO CENTRO VOLVE CON TRES PREMIOS

mayo 1, 2017 by ACTIVIDADES, CINE, CINEOI, CONCURSOS No Comments

O noso alumnado volve demostrar un ano máis que en Arteixo hai unha excelente canteira de actores, actrices, directoras e directores de cine. A participación do IES Manuel Murguía foi a máis numerosa (12 películas) do certame que cada ano convoca  o EDL da Escola Oficial de Idiomas da Coruña. Este ano os premiados polo noso centro  foron Dobre identidade (2º premio e premio Ben Falado, ó coidado da lingua) e A rosa seca (3º premio) . As autoras de Dobre identidade son Alba Blanco Rodríguez, Alba Rial Busto, Angélica Ballesteros Flórez, Belén Martínez Rodríguez, Catalina López Novo, Leslizet López González-Rubiera e  Lucía Sánchez Souto; premiadas con 150 euros e 250 euros nun vale para libros. A rosa seca  foi realizada por Beatriz Mouzo Gerpe, Rebeca Del Río Rollón, Sara Montero Cordero e Irene García Soto; galardoadas con 100 euros.   Non debemos esquecer tampouco a enorme calidade do resto de películas que presentou o noso centro, xa que calquera delas podería estar premiada. Polo tanto, debemos felicitar a todo o alumnado de 1º de Bacharelato que realizou estas curtametraxes e en especial ós autores das presentadas ó certame. Participaron este ano as seguintes películas, por parte do IES Manuel Murguía:   -Dobre identidade. (Alba Blanco Rodríguez, Alba [...]

dsc_0337

VII Certame de Cinema OUFF Escola Ourense 2016

Un ano máis  celebrouse a entrega de premios do Certame de Cinema OUFF Escola de Ourense. Este ano non puidemos facernos con ningún premio, e debemos recoñecer que o nivel foi altísimo e era moi complicado gañar. De todos xeitos parabéns a todos os participantes e convidámosvos a seguir elaborando obras de arte coma as que adoitades presentar. Aquí tedes o diploma que nos entregaron pola vosa participación. Ánimo e xa veredes como o próximo ano gañamos!

O galego no mundo: Heildeberg

Hoxe conversamos cunha alumna da universidade de Heildeberg que responde as preguntas formuladas por alumnos de 1º ESO.Heildeberg

O galego no mundo : Oxford

Hoxe falamos con estudantes de Oxford. Eles estudan galego dende hai pouco tempo, pero xa son capaces de falar un galego fluído.

O galego no mundo

Hoxe falamos con Patricia e Jessica que responden ás nosas cuestións dende o Algarve.