EDL do IES MANUEL MURGUÍA - Contáctanos

Noticiero de Arteixo - IES Manuel Murguia premiado en CinEOI 2014

A prensa recoñece o bo facer audiovisual do IES Manuel Murguía

A prensa faise eco do grande éxito de Producións Fala de Raio no certame CinEOI 2014 e louba o traballo dos alumnos do Manuel Murguía. Podédelo ver no Noticiero de Arteixo e en StadioSport.

Curtas premiadas na sección xuvenil de CinEOI

Avalancha de premios en CinEOI 2014

Os catro primeiros premios da categoría xuvenil do certame CinEOI Coruña Curtas 2014 leváronos curtas presentadas polos alumnos de 1º BAC do IES Manuel Murguía, a través da súa produtora Fala de raio. “Atrapados“ conseguiu o primeiro premio, cunha dotación económica de 200 euros. Parabéns para Cintia, Patricia, Iago, Alba e María por este exitazo postmoderno O segundo premio foi para o thriller cómico “Crónica dun secuestro anunciado“, mérito de Alexandra, Lara, Víctor, Khadija, Juan Manuel, Daniel, Alejandro, Miguel e Esteban. “Vidas paralelas“ levou o terceiro premio. Alba F e Alba V non dan puntada sen fío. Coa axuda de Lucía, Fabio, Sheila e Irene sorprenderon ao xurado cunha enxeñosa curta. E o cuarto premio neste concorrido certame foi para “Días felices“, no que Gabriela, Estefanía, Carla, Andrea e Juan José lle poñen rostro a unha das máis serias problemáticas sociais que padecemos, baixo a dirección de Rubén e de Anabel. O xurado decidiu así, pero outras curtas puideron gañar, dado o gran nivel desta edición. Animávosvos a ver tamén as outras obras que presentaron ao certame os alumnos de 1ºBAC do instituto: “A herdanza“, “Armando“, “Broma a Timofónica“, “Galician Discovery“, “Pois xa que estamos” e “Un día sen auga“.  Parabéns a todos [...]

CinEOI Coruña Curtas - Gala de entrega de premios con Isabel Blanco

Hoxe é a gala de entrega de premios CinEOI Coruña Curtas

Hoxe ás 20 h terá lugar a gran gala de entrega de premios do Certame CinEOI Coruña Curtas, coa participación este ano da actriz Isabel Blanco, que segue o ronsel doutros grandes actores que acudiron en anos anteriores, como Luís Tosar ou Luís Iglesia. A nova produtora audiovisual do instituto, Producións Fala de raio, presenta nada menos ca 10 curtas á sección xuvenil deste certame, así que alí estaremos, cruzando os dedos a ver se cae algún premio en Arteixo. Seguro que si!      

Curta promocional CinEOI 2014

Xa podedes ver a curta promocional do certame CinEOI 2014, que propón ‘Rachar coas diferenzas de xénero‘ Lémbrovos que hai unha sección xuvenil na que podedes participar! Veña, xa, a rodar!!!

Cartel do certame CinEOI 2014

CinEOI Curtas 2014

O IES Manuel Murguía colabora este ano na organización do cuarto festival CinEOI Coruña Curtas, excelente proposta do Equipo de dinamización lingüística da EOI da Coruña. Este ano como novidade incorpora unha sección xuvenil, na que poden participar todos os alumnos de secundaria da Coruña e tamén do noso instituto. As curtametraxes deberán ser en lingua galega, non deberán superar os 10 minutos e poderanse remitir á EOI da Coruña ata o 28 de marzo.  Se queredes máis información podedes descargar as bases do certame, acceder directamente á web da EOI da Coruña, contactar coa profesora Begoña González ou escribir un mail a faladeraio@gmail.com. Os días 9 e 10 de abril haberá no salón de actos da EOI da Coruña un festival no que se entregarán substanciosos premios para os gañadores de cada categoría. A presidenta de honra deste ano é Isabel Blanco, que reempraza aos padriños anteriores, Luís Iglesia e Luís Tosar. Animádevos a participar!!

Jorge Saavedra no obradoiro de rodaxe cos alumnos de 1ºBAC do IES Manuel Murguía

Obradoiro de rodaxe con Jorge Saavedra. Si, si, o de Matalobos!

Este xoves tivemos unha visita de excepción no noso centro, a de Jorge Saavedra, director de series tan famosas como Matalobos e autor de numerosas curtametraxes. Jorge tivo un encontro cos alumnos de 1º de Bacharelato para traballar con eles en cuestións relacionadas coa rodaxe audiovisual. Aprendemos moito e saímos reforzados para seguir adiante coas curtametraxes que estamos a preparar. Non nos imos saltar o eixe, prometémoscho, Jorge! Queres ver todas as fotos? Entra aquí.

10 express – Música de gaita

abril 21, 2012 by ACTIVIDADES, RADIO No Comments

O título dío todo. Hoxe o programa versa sobre o noso instrumento máis característico: a gaita.

Obradoiro Titerehop – Os nosos títeres que cantan

Velaquí os nosos monicreques cantores: isto si que é ritmo

Obradoiro Titerehop – Noticieiro de Arteixo

O Noticieiro de Arteixo faise eco do Obradoiro Titerehop que realizamos coa compañía “Viravolta”. Podedes ver como cantan os nosos monicreques no seguinte vídeo.

10 express – Programa 15

junio 10, 2011 by ACTIVIDADES, RADIO No Comments

Hoxe no programa, entrevista a dous grandes profesores do Departamento de Historia, os benqueridos Juanjo e Monjardín