EDL do IES MANUEL MURGUÍA - Contáctanos

EDDLG principal

Poesía do medo. Hugo Herrador Segade. 2º A ESO.

Sombra gris que me acompañas Que me axudas Aínda que me distraias Que non es perfecto Pero es un bo sentimento Que tivemos os nosos máis E os nosos menos Grazas a ti Meu amor non perdín Máis teño medo a perdelo MEDO Ti axúdasme Aínda que nunca pense en ti Axudáchesme a salvarme Aínda que poida resultar frustante Que sempre me acompañes Es o medo. Hugo Herrador Segade. 2º A ESO.

EDDLG principal

Amor equívoco. Hugo Herrador Segade. 2º A ESO.

Amor equívoco. Quixémonos Nin nos decatamos Cando me dei de conta Xa o deixaramos Eu quíxente Síntoo Arrepíntome Pero volveríate a amar Volveríame a equivocar. Hugo Herrador Segade. 2º A ESO

EDDLG principal

Amor Puntual. Hugo Herrador Segade. 2º A ESO.

Amor Puntual Un día para amarte Un día para escribirte Un día para sentirte Un día para pensar no que che fixen Un día para amarte Un día para non esquecerte. Hoxe quero pulsar no botón de Restart Para volver a empezar Quero sentir Que de te enamorar Estou a piques Aínda que despois me esquezas Quero quererte Quero que me queiras Aínda que sexa Unha vez ó ano. Hugo Herrador Segade. 2º A ESO

DSC_0010

CONECTADOS CO INSTITUTO CAÑADA BLANCH DE LONDRES

Neste final de curso puidemos levar a cabo unha videoconferencia co Instituto Vicente Cañada Blanch de Londres, onde se imparte a materia de Lingua Galega. Grazas a colaboración coa nosa compañeira, a profesora Begoña González Rei, que é docente nese centro, a rapazada puido gozar dunha amena conversa cos seus compañeiros e compañeiras londinenses, que se expresaban magnificamente na lingua de Rosalía. Tratáronse temas tan dispares como os videoxogos, as cacharelas de San Xoán, ou  o día a día da vida en Londres e Arteixo. Queremos dende Arteixo agradecer a vosa simpatía, especialmente a Begoña, por realizar o excelente traballo que está a desenvolver na capital inglesa. Parabéns a tod@s!!! Vémonos en Arteixo, ou en Londres!  

EDDLG principal negativa

VIDEOCONFERENCIA CO INSTITUTO CAÑADA BLANCH DE LONDRES

Este luns, 22 de maio, realizamos unha videoconferencia co Instituto Cañada Blanch de Londres, onde se imparte a materia de Lingua Galega e Literatura. A rapazada, previamente, mantívose en contacto por carta e redes sociais dende hai uns meses. Fíxosenos curta a experiencia e todos temos ganas de máis. Un saúdo para Begoña, a nosa compañeira que traballa alí e para o seu alumnado. Agardamos vervos por aquí algún día. Estades convidados!! Bicos dende Arteixo para Londres!!!  

O galego no mundo: Londres

Hoxe falamos con algúns dos rapaces de 2º da ESO que estudan galego nun instituto de Londres, o IE Cañada Blanch. Brian, Paloma, Juanes, Marinueva e Natalia cóntannos a súa relación con Galicia e co galego e convídannos a visitar os seus lugares máis queridos de Londres. Podemos seguir a súa actividade a través do seu blog Fala Londres ou seguilos polo facebook na páxina Galego en Londres.

O galego no mundo: Heildeberg

Hoxe conversamos cunha alumna da universidade de Heildeberg que responde as preguntas formuladas por alumnos de 1º ESO.Heildeberg

O galego no mundo : Oxford

Hoxe falamos con estudantes de Oxford. Eles estudan galego dende hai pouco tempo, pero xa son capaces de falar un galego fluído.