EDL do IES MANUEL MURGUÍA - Contáctanos

DSC_0049

CONTACONTOS GALEO/INGLÉS CON CHARO PITA E PATRICIA MACGILL

O martes, 21 de xaneiro, alumnado de 1º, 2º ESO, e rapazada do club de lectura tiveron a sorte de asistir a unha sesión de relatos orais en galego e inglés, a cargo das actrices Charo Pita e Patricia McGill. Os contos, procedentes de diferentes culturas e países, serviron para achegarnos a diversas maneiras de entender o mundo e tamén para comprender que as cuestións que nos preocupan, en realidade, son as mesmas. Grazas a Charo Pita e Patricia McGill, e parabéns polo seu comportamento, unha vez máis, ao alumnado do Murguía.

Captura de pantalla (5)

FASE FINAL DO TÍRALLE DA LINGUA

O día 28 de novembro tivo lugar no Pazo de Congresos de Santiago de Compostela a fase decisiva do TÍRALLE DA LINGUA. Trátase dun concurso de relatos orais para escolares no que levamos participando varios anos, e incluso en varias edicións fomos galardoados con algún premio. Este ano non puido ser, pero as nosas actrices fixeron un papel moi digno, nun certame que se caracterizou pola alta participación e a calidade dos contos. Queremos agradecer ó alumnado participante, ós compañeiros e compañeiras que os animaron, á organización e ó profesorado que os acompañou a Compostela. O ano que vén volveremos para tentar traer connosco algún premio. Parabéns a tod@s!!!

2º Premio Tíralle da lingua 2016

Parabéns unha vez máis aos nosos xa citados Nicole e Noelia, finalistas, e Pablo e Nico, finalmente gañadores do segundo premio, na súa categoría , nesta décimo sexta edición do certame Tíralle da Lingua. Parabéns tamén a todos os que participastes e compartistes a emoción de subir ao escenario e gozar das actuacións que hoxe podemos ofrecervos en Fala de raio: Antía Canedo, Susana Rodrígez, Emma Vázquez, María Cedeira, Yao Gómez e Noelia Cedeira. Grazas polas vosas actuacións e entusiasmo !!! Aquí tedes a estes dous artistazos en plena actuación no Teatro Principal de Compostela.

BICOS CON LINGUA

abril 7, 2016 by ACTIVIDADES, NO ESCENARIO No Comments

Hoxe tivemos a oportunidade de asistir á representación de BICOS CON LINGUA. Rimos e disfrutamos do bo traballo de Talía Teatro.

Son o dono do meu destino, son o capitán da miña alma

junio 8, 2015 by ACTIVIDADES, NO ESCENARIO No Comments

Velaquí un fermoso poema inglés versionado en galego polos alumnos de 1º ESO A de Ámbitos.  Hai pouco, con motivo do I Congreso escolar Superación e resistencia, estes rapaces fixeron un excelente traballo sobre a figura de Nelson Mandela, un dos exemplos máis admirables de resistencia ante a adversidade de toda a historia mundial. Coa película Invictus de Clint Eastwood, baseada no libro O factor humano, popularizouse o poema que acompañou a Mandela durante os seus 27 anos en prisión e que o axudou a soportar o insoportable. Trátase duns fermosos versos do século XIX do poeta William Ernest Henley, que acaban así: “Son o amo do meu destino. Son o capitán da miña alma”. Pola alma de Mandela e por todas as outras almas inconquistables!  

0 Programa congreso escolar Superacion e resistencia

Programa do ‘I Congreso escolar Superación e Resistencia’

Mañá martes o instituto acollerá o I Congreso escolar ‘Superación e resistencia’, no que os protagonistas son os nosos propios alumnos. Haberá dúas quendas con intervencións diferentes en cada unha delas: a primeira comeza ás 10.40 h e a segunda ás 12.20 h. O salón de actos encherase para ver como temos entre nós grandes oradores que nos falarán de historias persoais fascinantes e motivadoras.

0 superacion, resistencia

I Congreso escolar ‘Superación e resistencia’

Moitas son as persoas que teñen que enfrontarse acotío a infinitas complicacións e dificultades, unhas físicas, outras sociais. O vindeiro martes no IES Manuel Murguía poderemos asistir ao I Congreso escolar ‘Superación e resistencia’, no que serán os propios alumnos do instituto os que nos falarán de varias persoas que conseguiron superarse a si mesmas pese a todas as barreiras e acadar grandes logros persoais, e tamén outras historias e proxectos sociais que axudan a cambiar o mundo un pouco a mellor. Os grupos da ESO de 1º A, 1º A ámbitos, 3º B, 3º C, 3º D, 3º E, 4º B e 4º E presentarannos as historias humanas de Hellen Keller e Anne Sullivan, de Daniel Stix, de Pedro García Aguado (Hermano mayor) ou do noso veciño Iván Montero, casos emblemáticos de superación persoal, e as de Mandela, Malala, Shadi Sadr, Pucho Boedo ou Darwin, paradigmas da resistencia social contra a opresión racial, sexual, lingüística ou relixiosa. Tamén nos presentarán varios proxectos de circo social que axudan a construír a paz, a alegría e o benestar en lugares conflitivos do planeta.  

kailash satyarthi-alumnas 3eso

O sorriso do Premio Nobel, por Ana Díaz

mayo 15, 2015 by NO ESCENARIO No Comments

O pasado xoves tiven a fortuna de asistir, xunto con Charo Martín -outra profesora do IES Manuel Murguía de Arteixo- e de varios alumnos de 3º ESO B, á conferencia que deu Kailash Satyarthi en Palexco, o Pazo de Congresos e Exposicións da Coruña. Os alumnos están a facer unha curtametraxe sobre Malala, e este activista hindú compartiu o premio Nobel da Paz 2014 coa rapaza paquistaní. Kailash Satyarthi loita dende hai varias décadas contra a explotación infantil de calquera xénero e en calquera lugar. Estudou enxeñería eléctrica, pero un día deixouno todo por un obxectivo que lle pareceu máis importante. Dende o momento en que aparece no escenario, Kailash impacta. É alto e delgado. Vai vestido con roupa de gala do seu país e fala de xeito pausado. Xesticula pouco ,pero sorrí constantemente. Fala con naturalidade e sen dramatismos das inxustizas terribles que viviu en primeira persoa. Explica coa sinxeleza dun neno que os gastos militares dun só día no mundo poderían remediar a fame dun ano. Kailash insiste na importancia da compaixón, de poñerse no lugar do outro. “Eses nenos que están a ser explotados son os nosos fillos, os nosos irmáns”. Non podemos mirar para outro lado. Amosa determinación. [...]

Tiralle da lingua 2015

Segundo premio no Tíralle da lingua 2015

Un ano máis o IES Manuel Murguía acudiu á gran cita do Tíralle da lingua, a final que cada ano se celebra no IES Rosalía de Castro de Santiago, nun salón de actos ateigado de rapaces. Este ano houbo monólogos excepcionais, coma sempre, e un deles foi “Clases de idiomas”, que levou o segundo premio da categoría de segundo ciclo da ESO. Parabéns a David Cristóbal ‘Nano’ e a Joel García por darnos esas claves para aprender novos idiomas e polas súas táboas no escenario!

Peter Punk trae a risa ao Manuel Murguía

abril 25, 2015 by ACTIVIDADES, NO ESCENARIO No Comments

“Chungo, chungo que te cagas” é a frase máxica que soou e resoou este venres no Salón de actos do IES Manuel Murguía. Peter Punk fixo que as risas resoaran en todo o instituto co seu humor absurdo, nun espectáculo ao que contribuíron con gran sentido do humor varios dos nosos alumnos. Pero é que ademais deixounos a todos coa boca aberta coa súa destreza facendo globoflexia e coas súas habilidades como malabarista coas bólas, mazas e ata con fachos de lume. Menos mal que o churrasco final non acabou coa vida de ninguén Non hai mellor maneira para despedir unha semana que co bo humor e co riso aberto. Non deixedes de ver o vídeo no que se recollen algúns dos mellores momentos deste espectáculo.

PHP Fatal error: Internal zval's can't be arrays, objects or resources in Unknown on line 0