EDL do IES MANUEL MURGUÍA - Contáctanos

Curtas premiadas na sección xuvenil de CinEOI

Avalancha de premios en CinEOI 2014

Os catro primeiros premios da categoría xuvenil do certame CinEOI Coruña Curtas 2014 leváronos curtas presentadas polos alumnos de 1º BAC do IES Manuel Murguía, a través da súa produtora Fala de raio. “Atrapados“ conseguiu o primeiro premio, cunha dotación económica de 200 euros. Parabéns para Cintia, Patricia, Iago, Alba e María por este exitazo postmoderno O segundo premio foi para o thriller cómico “Crónica dun secuestro anunciado“, mérito de Alexandra, Lara, Víctor, Khadija, Juan Manuel, Daniel, Alejandro, Miguel e Esteban. “Vidas paralelas“ levou o terceiro premio. Alba F e Alba V non dan puntada sen fío. Coa axuda de Lucía, Fabio, Sheila e Irene sorprenderon ao xurado cunha enxeñosa curta. E o cuarto premio neste concorrido certame foi para “Días felices“, no que Gabriela, Estefanía, Carla, Andrea e Juan José lle poñen rostro a unha das máis serias problemáticas sociais que padecemos, baixo a dirección de Rubén e de Anabel. O xurado decidiu así, pero outras curtas puideron gañar, dado o gran nivel desta edición. Animávosvos a ver tamén as outras obras que presentaron ao certame os alumnos de 1ºBAC do instituto: “A herdanza“, “Armando“, “Broma a Timofónica“, “Galician Discovery“, “Pois xa que estamos” e “Un día sen auga“.  Parabéns a todos [...]

CinEOI Coruña Curtas - Gala de entrega de premios con Isabel Blanco

Hoxe é a gala de entrega de premios CinEOI Coruña Curtas

Hoxe ás 20 h terá lugar a gran gala de entrega de premios do Certame CinEOI Coruña Curtas, coa participación este ano da actriz Isabel Blanco, que segue o ronsel doutros grandes actores que acudiron en anos anteriores, como Luís Tosar ou Luís Iglesia. A nova produtora audiovisual do instituto, Producións Fala de raio, presenta nada menos ca 10 curtas á sección xuvenil deste certame, así que alí estaremos, cruzando os dedos a ver se cae algún premio en Arteixo. Seguro que si!      

Tíralle da lingua no IES Manuel Murguía

Xa temos representantes para o Tíralle da lingua

Onte  no Salón de Actos tivo lugar a fase de selección dos nosos representantes para o concurso de contacontos do Tíralle da lingua que vai ter lugar en Santiago o vindeiro 24 de abril. Na categoría de primeiro ciclo os nosos representantes van ser Julia López Canay e Carmen Martínez Canedo, de 1º ESO C, co espectáculo “Pais, nais e debuxos animados”. Na categoría de segundo ciclo, Jorge Gálvez Nemiña, Mihai Anton Gaspar e Roque Ruíz Soto, de 3º ESO B, volverannos representar por segundo ano consecutivo, centrándose esta vez no “Estrés na discoteca”.  Que cracks! A preparar e afinar o noso espectáculo e ánimo!!

oratoriaadebate_xurado

A oratoria a debate

A pasada fin de semana o equipo de debate do IES Manuel Murguía asistiu ao obradoiro “A oratoria a debate” no Museo Pedagóxico de Galicia. Patricia, Darío, Juan Luís e Iván tomaron boa nota dos consellos e claves que proporcionaron os organizadores e mais o xurado para ter unhas boas intervencións na final de Parlamento Xove do vindeiro 26 de abril. Podedes ver a crónica e algunhas fotografías do evento neste enlace.

CANTO-SABES-DE-13-pregunta

Canto sabes de? 13

Que prazo teño para contestar? Do luns 24 de febreiro ao domingo 9 de marzo. Ánimo! Nesta ocasión tes DÚAS semanas para contestar! Hai grandes premios? Si, un premio para o acertante de máis preguntas de cada ciclo. Os premios recibiranse en maio. Como fago para contestar? Cubre o formulario:

parlamento xove - manuel murguia - debate 01

Fotos da fase de clasificación de Parlamento Xove

Podedes ver as fotos da fase de clasificación de Parlamento Xove na nosa conta de Flickr.

ies-manuel-murguia-parlamento-xove

Eco na prensa da clasificación para a final de Parlamento Xove

Tras o duro traballo destas últimas semanas, o equipo de debate do IES Manuel Murguía obtén o recoñecemento polo seu meritorio sexto posto na prensa: saímos en El Noticiero de Arteixo, na Opinión da Coruña, nun blog de El Correo Gallego…

parlamentoxove2014-resultados-ies-manuel-murguia

Resultados dos debates Parlamento Xove 2014

Aquí tedes os resultados do noso equipo: dúas vitorias e unha derrota tras un desputado debate! Que mágoa! Non se pode ganar sempre!

Debate no Parlamento Xove entre o IES Manuel Murguía de Arteixo e o IES Menéndez Pidal da Coruña

O IES Manuel Murguía, clasificado para a final de Parlamento Xove

O IES Manuel Murguía conseguiu un meritorio sexto posto no torneo de debate  Parlamento Xove 2004 que se celebrou este sábado na Deputación da Coruña e no que participaban 24 institutos de toda Galicia. Podedes ver aquí a clasificación. Felicitamos aos nosos representantes, Patricia Caramés, Juan Luís Márquez, Iván Nemiña e Darío Pazos, de 1º de Bacharelato, que fixeron un destacadísimo papel no seu primeiro ano de participación nestes debates. Felicitamos tamén aos outros equipos clasificados, dos institutos Laxeiro de Lalín,  de Becerreá, da Pinguela de Monforte, de La Salle e do Divina Pastora. Mais isto non remata aquí. O 26 de abril será a gran final no Parlamento de Galicia, na que so estarán os 8 mellores deste campionato. Alí estarán de novo os nosos rapaces, poñendo a proba outra vez as súas capacidades de oratoria. Ánimo e a prepararse!!

CANTO-SABES-DE-12-pregunta

Canto sabes de? 12

Que prazo teño para contestar? Do luns 17 de febreiro ao domingo 23 de febreiro. Hai grandes premios? Si, un premio para o acertante de máis preguntas de cada ciclo. Os premios recibiranse en maio. Como fago para contestar? Cubre o formulario: