EDL do IES MANUEL MURGUÍA - Contáctanos

Nerea Cotelo recibe o seu premio como gañadora do certame "Contos de medo" do curso 2013-2014

Recolle o seu premio a gañadora do certame “Contos de medo” do curso 2013-2014

Nerea Cotelo por fin recolle o seu premio como gañadora da edición do concurso Contos de medo do curso pasado co seu conto “Bágoas de sangue”, que escribiu en 3 entregas (podes lelo aquí, aquí e tamén aquí). Parabéns de novo, Nerea! E vós, ide quentando! Nos vindeiros días convocarase a nova edición do concurso literario do outono para este curso.  

canto sabes de - premiadas - ikram e paula noya

Xa temos gañadoras do concurso “Canto sabes de…?”

Ikram El Archi, de 1º ESO G, e Marta Noya, de 3º ESO B, son as gañadoras do certame “Canto sabes de…?” do curso 2013-2014, nas categorías respectivas de 1º ciclo e 2º ciclo. Xusto antes da gymkana do pasado venres ambas as dúas recibiron cadanseu agasallo. Podedes ver como locen o seu “galician style” Ikram e Paula, que recolleu a bolsa da súa irmá. Felicitámolas ás dúas pola súa participación constante e mais por resolveren ambas a proba do Nadal sobre “A volta ao mundo de Phileas Fogg“, que puntuaba dobre.  

bagoas de sangue - nerea cotelo - medo me da

“Bágoas de sangue” gaña o concurso de contos Medo me dá

Parabéns a Nerea Cotelo García, de 1ºESO C, gañadora do certame de contos de medo convocado no outono por Fala de raio. O seu relato gustoulle moitísimo ao xurado, pero tamén aos seus compañeiros e lectores, como amosan os comentarios nos seus posts. Se vos apetece, podedes reler esta fantástica historia no blog Eu falo, dividida en tres entregas: aquí, aquí e tamén aquí. E mañá, antes da gymkana, entrega do premio! Nerea, ven recollelo!!!

Gymkana do concurso "Canto sabes de...?" (IES Manuel Murguía)

Premios de Fala de raio e gymkana final

Este venres terá lugar a agardada entrega de premios dos concursos Fala de raio: Quen será o gañador do certame de contos de medo? Quen gañou o concurso “Canto sabes de…?” Vide ao patio, e xusto antes da gymkana final, faráselles entrega dos premios aos gañadores! E deseguido, concurso de probas de habilidade, enxeño e bo humor co que despediremos o curso. Forma un equipo de 2, 3 ou 4 membros e participa! Haberá substanciosos premios!

concurso cocacola

Creatividade literaria :)

junio 12, 2014 by CONCURSOS No Comments

Parabéns á nosa compañeira Paula Baña Aller, de 2º ESO F, que acadou o segundo premio en lingua galega do concurso de redacción que cada ano convoca Coca Cola. A entrega de premios tivo lugar na Cidade da Cultura de Santiago o venres pasado.  

conferencia-tailandia-iesmanuelmurguia1

Viaxamos por un mundo diverso

junio 12, 2014 by ACTIVIDADES, OBRADOIROS No Comments

Ao longo destas últimas semanas o alumnado de 3º PDC, non deixou de sorprendernos pronunciando interesantísimas conferencias, integradas baixo o título xenérico de “Viaxamos por un mundo diverso” no ciclo “Todos ensinamos, todos aprendemos” que está a desenvolverse na biblioteca do noso centro. Tivemos ocasión de coñecer a través destas exposicións moitas cousas que non coñeciamos sobre Galicia, que nos achegou Diego Caamaño. Tamara Santos e Andrea Rozamontes fixéronnos máis próxima a realidade de Tailandia e Pedro Cancela e Adián Seixas centráronse en Venezuela. Kariama Mahdaoui, Nathaly Marín e Thais Salazar aproximáronnos a Ecuador e mais a Marrocos, lugar de orixe de boa parte do noso alumnado. Thais Salazar e Araceli Ventureira faláronnos sobre o pobo xitano e Carlos Contreras e Ismael Rozamontes finalizaron o ciclo ilustrándonos sobre a República dominicana. Así cada día, nunha biblioteca ateigada de público asistente, cada segundo recreo os propios alumnos fóronnos falando das súas paisaxes, linguas e comidas, e ata puidemos degustar algunha esquisitez, como té de menta ou doces típicos, todos deliciosos! Tamén fixeron soar as súas músicas, coa colaboración do alumnado de 1º ESO B. Estamos moi orgullosos destes alumnos pola calidade do seu traballo. Parabéns aos vosos profes, Cristina Galán e Begoña Campos, e a [...]

Talasonimia sepultada polas obras do Porto Exterior da Coruña.

Os nomes sepultados na Punta Lagosteira

mayo 21, 2014 by ACTIVIDADES, OBRADOIROS No Comments

No 2004 comezou a construírse o Porto Exterior da Coruña a carón do polígono de Sabón, na Punta Lagosteira. As obras levaron por diante o Castro do Cociñadoiro, un curioso castro costeiro, con casas rectangulares, e o máis antigo da provincia da Coruña. Moitos considerárono un drama! Pero non só supuxo a desaparición de parte da nosa historia material, senón tamén da inmaterial. Como nos contou onte Vicente Feijoo, é enorme a cantidade de nomes da costa que quedaron sepultados polas obras do porto exterior na Punta Lagosteira.  Fixádevos na ilustración!

Vicente Feijoo fálalles da toponimia de Arteixo aos alumnos do IES Manuel Murguía

Do Cu Cagado ao Quinto Pino e outros topónimos interesantes ;)

mayo 20, 2014 by ACTIVIDADES, OBRADOIROS No Comments

Por que en Oseiro hai unha pedra que se chama O Cu Cagado?  Disque é un nome habitual en toda a costa galega (por exemplo, O Con Cagado), porque son pedras cagadas polos corvos mariños, pero se cadra, como comentaban algúns alumnos que llelo oíron contar aos seus avós, débese a que cando baixa a marea esta pedra semella un cu cunha parte negra na rocha, como se estivera cagado. Por que non lle sacades unha foto á pedra e investigades o nome preguntándolles aos vosos avós? Investigar é o que leva feito arreo o noso convidado de onte, Vicente Feijoo Ares, que durante moitos anos foi o coordinador dos traballos de campo do proxecto Toponimia de Galicia e que actualmente traballa no Seminario de Onomástica da Real Academia Galega. Vicente estivo aquí no Instituto con alumnos de 3º ESO e de 4ºESO. Falounos de nomes ben curiosos do noso concello e das súas orixes: Lama Má, O Salto do Carro, A Silla do Rei, O Coto das Meigas, O Porto das Bendicions ou O Cabo Cociñadoiro. Ensinounos que detrás dos nomes hai paxaros, ríos, montes, pedras, ritos, lendas… Cantas sorpresas levamos! A partir de agora sen dúbida ímonos fixar máis nos topónimos do [...]

letrasgalegas2014-slider

Se ten que chover, que chova…

Fala de raio quere unirse hoxe, o Día das Letras Galegas, á homenaxe a Xosé María Díaz Castro. Porque sabía do valor das cousas pequenas e humildes pero bonitas e nos amosa por que non debemos pisotear nada que teña vida: Herba perquerrechiña que con medo sorrís ó sol que vai nacendo e morrendo sen ti, ¿por que de ser pequena te me avergonzas ti? ¡O Universo sería máis pequeno sen ti! Porque se comprometeu fondamente co país. Son moitos os exemplos de poesía reivindicativa nas nosas letras, pero “Penélope“, o máis coñecido de Díaz Castro, deu cunha das mellores definicións de Galicia: Un paso adiante e outro atrás, Galiza, e a tea dos teus soños non se move. A espranza nos teus ollos se espreguiza. Aran os bois e chove. Un bruar de navíos moi lonxanos che estrolla o sono mol coma unha uva. Pro ti envólveste en sabas de mil anos, e en sonos volves a escoitar a chuva. Traguerán os camiños algún día a xente que levaron. Deus é o mesmo. Suco vai, suco vén, ¡ Xesús María!, e toda cousa ha de pagar seu desmo. Desorballando os prados como sono, o Tempo vai de Parga a Pastoriza. Vaise [...]

O IES Manuel Murguía de Arteixo participa no Correlingua 2014 co lema "O galego pisa forte"

O galego pisa forte no Correlingua 2014

mayo 15, 2014 by ACTIVIDADES, CORRELINGUA No Comments

Un ano máis, os alumnos de 2ºESO do IES Manuel Murguía participaron no Correlingua da Coruña, tan multitudinario coma sempre. Nesta ocasión fixemos unha fermosa pancarta, co lema “O galego pisa forte“. Boa maneira de agardar polo Día das Letras Galegas, un 15 de maio espectacular, coroando o Correlingua cun movido concerto de rock e co sol brillando sobre a Torre de Hércules! Se queredes ver o álbum de fotos, entrade no Facebook de Fala de raio.