EDL do IES MANUEL MURGUÍA - Contáctanos

EDDLG principal

O Pasado (Lucía Méndez Carracedo 4º ESO C)

Un día coma hoxe namoreime de ti: da túa mirada, do teu sorriso… Pero sei que nunca máis te volverei ver. Lucía Méndez Carracedo. 4º C ESO

EDDLG principal

Non quería ser raíña (Alex Antelo, Sergio Barreiro, Pablo Rodríguez, Jorge Sotelo) (4ºB)

A moza de cabelo louro no parque, tumbada na herba. O mozo achegouse a ela e comezou o faladoiro. Como estás? Canto tempo! Preguntou o mozo, cun sorriso por esbozo e cun mirar contento. Estou ben, respondeu ela, pero era unha fachada. E engadiu a amada: Como nunca o estivera. Mais a dor que ela sentía era equiparable ao erro imperdoable do mozo aquel día. Alex Antelo, Sergio Barreiro, Pablo Rodríguez e Jorge Sotelo. 4º B ESO

EDDLG principal

Edés.

Desperdiciei rosas en ti, deberías pertencer ao pasado, desperdiciei rosas, outro corazón machucado.   No meu cuarto, onde deberías estar, enleada nas miñas sabas, as paredes parecen gritar, non hai dor nestes ollos marróns, pero si un baleiro profundo, achégate, escoita, eras o meu mundo.   Escoita e sente os inexorables 60 segundos, dos cales sobran 58 se ti non estás, e os dous sobrantes, tempo que me sobra de observar, as dúas xemas de augamarina, que ao meu corazón parecen cautivar. Daniel Baltar Almeida. 4º B ESO  

EDDLG principal

Á s v e c e s . Natalia Lois, Azahara Díaz, Andrea García e Selly Diallo {4ºB}

Ás veces é mellor caer para aprender e decatarme de que nunca cumprirás as túas promesas. Ás veces penso que ao mellor está de máis quedar a esperar por ti. Natalia Lois, Azahara Díaz, Andrea García e Selli Diallo. 4º B ESO

EDDLG principal

Aquel verán

Porque unha vez víchesme tremar e en vez de taparme quitaches a  roupa e dende  aquela é verán calquera nadal destes.     Pablo Maceiras Añón e  Iván Castro Roel. 4º B ESO.

EDDLG principal

Lúa de sangue (Iris Amado, Federico Durán e Verónica Rodríguez) (4°B)

Como se chama O forte palpitar que sinto? O meu sangue, estremécese; O corazón segue latendo. Estrela estreliña… Sentirá amor o meu namorado? Direiche o meu maior segredo Entre bágoas, esta noite. Noite noitiña miña, Oe o que el non sentiu As miñas veas non aturan un último bico E a mágoa do engano, que El, está sufrindo. Iris Amado, Federico Durán e Verónica Rodríguez. 4º B ESO

EDDLG principal

POEMA DE AMOR

O amor chega e trae felicidade, vaise e deixa soidade. Pero non chores nin teñas rancor, porque sempre haberá un novo poeta buscando o teu amor. Daniel Torres Piñeiro. 4º B ESO.

EDDLG principal

O Amor

                                                              O  amor  mece doce                                                            no regazo  dunha nai                                                                  incondicional, tenro, único                                                           que non cansa  de mecer                                                            O amor  soñador, revolucionario                                                                 compartido entre irmáns;                                                            con  identidade propia …                                                      vive en ti e vive en min                                                      O amor    atado a  [...]

EDDLG principal

Poema de amor. Nerea Pazos, Claudia Veiga e Lucía López. 4º C ESO.

Bicábasme con sabor a fresa tan fermoso como a túa beleza E volvíasme a bicar pero esta vez no teu fogar. E bicáchesme por última vez nesta ocasión con moita sinxeleza. Eran os bicos máis fermosos, pero ti eras un raposo. Nerea Pazos, Claudia Veiga, Lucía López. 4º C ESO  

DSC_0238

O PERGAMIÑO VINDEL

febrero 7, 2018 by ACTIVIDADES, VISITAS No Comments

As cidades de Vigo e Pontevedra foron obxecto da nosa visita para coñecer dous museos imprescindibles: o de Pontevedra e o Museo do Mar de Vigo. O obxectivo principal foi coñecer unha xoia das nosas letras: o Pergamiño Vindel, de importancia capital para a  cultura galega, xa que se trata dun manuscrito do s. XIII que nos amosa como era a música das cantigas de amigo. Recolle sete cantigas do trobador Martín Códax, das que seis teñen notación musical. Pocede da Biblioteca Pierpont Morgan de Nova Iork, e estará en Galicia até o mes de marzo. Polo tanto tratábase dunha oportunidade única para coñecelo. O Museo do Mar tamén resultou de interese por atoparse alí obxectos relacionados co mundo marítimo, tan ligado a Galicia ou, por exemplo, o submarino de Sanjurjo Badía ó que fai referencia a escritora Ledicia Costas na súa obra A vida secreta das mulleres planta. Aproveitamos tamén para realizar unha visita guiada polo Museo de Pontevedra, onde o alumnado do IES Manuel Murguía puido achegarse a obras e obxectos de Castelao, Asorey, Lloréns, Soutomaior, Ovido Murguía, petroglifos ou o fantástico tesouro de Caldas de Reis. Aquí vos deixamos algunhas fotos. Agardamos que vos gustara todo e grazas polo voso comportamento!!!