EDL do IES MANUEL MURGUÍA - Contáctanos

EDDLG principal

Lúa de sangue (Iris Amado, Federico Durán e Verónica Rodríguez) (4°B)

Como se chama O forte palpitar que sinto? O meu sangue, estremécese; O corazón segue latendo. Estrela estreliña… Sentirá amor o meu namorado? Direiche o meu maior segredo Entre bágoas, esta noite. Noite noitiña miña, Oe o que el non sentiu As miñas veas non aturan un último bico E a mágoa do engano, que El, está sufrindo. Iris Amado, Federico Durán e Verónica Rodríguez. 4º B ESO

EDDLG principal

POEMA DE AMOR

O amor chega e trae felicidade, vaise e deixa soidade. Pero non chores nin teñas rancor, porque sempre haberá un novo poeta buscando o teu amor. Daniel Torres Piñeiro. 4º B ESO.

EDDLG principal

O Amor

                                                              O  amor  mece doce                                                            no regazo  dunha nai                                                                  incondicional, tenro, único                                                           que non cansa  de mecer                                                            O amor  soñador, revolucionario                                                                 compartido entre irmáns;                                                            con  identidade propia …                                                      vive en ti e vive en min                                                      O amor    atado a  [...]

EDDLG principal

Poema de amor. Nerea Pazos, Claudia Veiga e Lucía López. 4º C ESO.

Bicábasme con sabor a fresa tan fermoso como a túa beleza E volvíasme a bicar pero esta vez no teu fogar. E bicáchesme por última vez nesta ocasión con moita sinxeleza. Eran os bicos máis fermosos, pero ti eras un raposo. Nerea Pazos, Claudia Veiga, Lucía López. 4º C ESO  

DSC_0238

O PERGAMIÑO VINDEL

febrero 7, 2018 by ACTIVIDADES, VISITAS No Comments

As cidades de Vigo e Pontevedra foron obxecto da nosa visita para coñecer dous museos imprescindibles: o de Pontevedra e o Museo do Mar de Vigo. O obxectivo principal foi coñecer unha xoia das nosas letras: o Pergamiño Vindel, de importancia capital para a  cultura galega, xa que se trata dun manuscrito do s. XIII que nos amosa como era a música das cantigas de amigo. Recolle sete cantigas do trobador Martín Códax, das que seis teñen notación musical. Pocede da Biblioteca Pierpont Morgan de Nova Iork, e estará en Galicia até o mes de marzo. Polo tanto tratábase dunha oportunidade única para coñecelo. O Museo do Mar tamén resultou de interese por atoparse alí obxectos relacionados co mundo marítimo, tan ligado a Galicia ou, por exemplo, o submarino de Sanjurjo Badía ó que fai referencia a escritora Ledicia Costas na súa obra A vida secreta das mulleres planta. Aproveitamos tamén para realizar unha visita guiada polo Museo de Pontevedra, onde o alumnado do IES Manuel Murguía puido achegarse a obras e obxectos de Castelao, Asorey, Lloréns, Soutomaior, Ovido Murguía, petroglifos ou o fantástico tesouro de Caldas de Reis. Aquí vos deixamos algunhas fotos. Agardamos que vos gustara todo e grazas polo voso comportamento!!!

EDDLG principal

POEMAS DE AMOR

febrero 7, 2018 by ACTIVIDADES No Comments

E de súpeto, miráchesme, con eses ollos tan fermosos e cheos de vida, que resplandecían cada vez que te atopabas preto de min, e cando te acercaches, e sentía o teu respirar, preto dos meus beizos, a punto de rozarse , espertei do meu soño…

cupido psique

XA CHEGOU O MES DO AMOR

Febreiro de 2018 xa está aquí! Convidamos ó alumnado do IES Manuel Murguía a subir ó blog de Fala de Raio poemas, cartas ou reflexións sobre o amor,  neste mes de bicos e flores. Para poder facelo debedes estar rexistrados. Se non é así tedes que solicitalo dos seguintes xeitos: -Na pestana Participa ou na pestana Blog, abaixo de todo, debedes picar en Rexístrate. En pouco tempo recibiredes a clave e con ela ides ó blog e picades en Accede ó teu usuario. Agardamos a vosa amorosa contribución!!!  

DSC_0110

LUCÍA ALDAO E MARÍA LADO NO IES MANUEL MURGUÍA.

O mércores 24 de xaneiro estiveron connosco o dúo AldaoLado para dar a coñecer ó noso alumnado a súa fermosa poesía por medio dunha actuación chea de humor, música e creatividade. A rapazada do Manuel Murguía puido decatarse de que a poesía pode ser un produto accesible e divertido, algo que tanto Lucía como María deixaron moi claro cunha actuación que nos fixo rir e emocionarnos. Agradecemos dende o Equipo de Dinamización Lingüística, Club de Lectura e Departamento de Actividades de Biblioteca, o comportamento exemplar do rapaces e rapazas, e por suposto, tamén damos as grazas ás poetas polo traballo ben feito, desexando que volvan por Arteixo moi pronto. Queremos agradecer tamén ó concello de Arteixo a cesión do Centro Cívico para este recital. Agardamos que vos gustara!!!

DSC_0076

GAÑADORAS DO CERTAME “MEDO ME DÁS!”

O día 4 de decembro tivo lugar na biblioteca do centro  a entrega de premios ás gañadoras do certame de relatos de terror Medo me dás! 1º Premio: Lucía Méndez Carracedo, de 4º C  ESO. 2º Premio: Estela Varela Souto, de 1º E  ESO . Parabéns para as dúas!!

EDDLG principal

Unha noite para recordar (Estela Varela Souto, 1º E ESO). Certame Medo me dás!!!

Fai moito, moito tempo, una rapaza chamada Amadora, tíñalle moito medo ao Samaín. Ía ao colexio Sacho Sanguento, onde había un carreiro de casas adornadas que daban saída ao colexio. As casas tiñan todo o que tiñan que ter: cabazas, teas de araña, cascudas, corazóns, brazos, pernas, esqueletos, pantasmas, vampiros, morcegos, caveiras, gatos negros, ollos, dedos, momias, zombis, monstros, bruxas, demos, lápidas, etc. Amadora tíñalles moito pánico a esas cousas de medo, porque non lle gustaba o Samaín, polo que ao pasar por diante das casas custoulle un montón. Tiña que pasar por alí, si ou si. A pequeña choraba e corría. Amadora, tiña tres irmáns aos que lles encantaba o Samaín. Amadora era a máis pequeña dos catro, e a única nena da súa familia, é que nin primas tiña, só primos, que triste! Cando chegou ao colexio Sacho Sanguento, de súpeto deixou de chorar e deulle una aperta tan, tan, tan grande á profesora, que a apertou tanto, tanto, que lle saíu o corazón voando cara á parede. Amadora choraba e berraba até pasados uns minutos que se deu conta de que a señorita Mary levantou do chan rindo a gargalladas coma una tola. Ela díxolle á pobre rapaciña que [...]