EDL do IES MANUEL MURGUÍA - Contáctanos

Hugo Herrador Premio 2019

ENTREGA DE PREMIOS DE EDL DO MURGUÍA

O 16 de maio entregáronse os premios de poesía e deseños que cada ano convoca o EDL do noso instituto. Este ano os vencedores foron: -Hugo Herrador Segade de 2º A ESO na categoría de poesía (III edición do Premio Viveiro de Poetas do Murguía). -C.R.V. na categoría de deseños (III edición do Premio de Deseños Adhírete ás Letras). Parabéns para ambos!!!

EDDLG principal

Gramática. Hugo Herrador Segade. 2º A ESO.

Gramática. O meu profesor de Lingua Intenta que entenda Que en primeira persoa Debo contar a miña historia Mais non entendo Se é miña ou dela. Hugo Herrador 2º A ESO.

EDDLG principal

Amor Puntual. Hugo Herrador Segade. 2º A ESO.

Amor Puntual Un día para amarte Un día para escribirte Un día para sentirte Un día para pensar no que che fixen Un día para amarte Un día para non esquecerte. Hoxe quero pulsar no botón de Restart Para volver a empezar Quero sentir Que de te enamorar Estou a piques Aínda que despois me esquezas Quero quererte Quero que me queiras Aínda que sexa Unha vez ó ano. Hugo Herrador Segade. 2º A ESO

DSC_0339

ENTREGA DE PREMIOS EQUIPO DE DINAMIZACIÓN LINGÜÍSTICA E BIBLIOTECA

Co gallo da celebración do Día das Letras Galegas 2017, aproveitamos para facer entrega dos premios dos certames de poesía e deseños que convocou o EDL do centro e que contou coa colaboración do Departamento de Actividades de Biblioteca. Ademais  o alumnado foi obsequiado con agasallos   polo seu labor na actividade de elaboración de caligramas. Finalmente lembramos a Carlos Casares coa lectura de textos deste autor por parte de Anxo e Alba de 3º D ESO. Os gañadores na categoría de poesía do I Certame Viveiro de Poetas foron: 1º Premio:  Alba Figueroa Paniza (2º A Bacharelato) 2º Premio: David Rodríguez Ramos (2º A Bacharelato) O gañador na categoría de deseños foi: Iván Brea Regueira (4º B ESO) Agardamos que o acto fose do voso agrado. Parabéns a tod@s!!!  

DSC_0235

Exposición sobre Carlos Casares na Biblioteca.

Na biblioteca do centro tedes xa unha fermosa exposición sobre Carlos Casares, escritor a quen se lle dedica este ano o Día das Letras Galegas 2017. Ademais tamén recollemos os vosos fermosos debuxos sobre o autor, que presentastes ó certame de deseño. Aquí tedes algunhas fotos:  

EDDLG principal

Gañadores dos certames Viveiro de Poetas e Adhírete ás Letras

O xurado do EDL do noso centro vén  de decidir os gañadores dos certames de poesía e deseños convocados polo EDL do IES Manuel Murguía de Arteixo. Estes son os premiados: -I Certame de Poesía Viveiro de Poetas do IES Manuel Murguía de Arteixo. 1º Premio: Quen queira escoitar que escoite. Alba Figueroa Paniza. 2º Bacharelato A. 2º Premio: Bágoas de Tinta. David Rodríguez Ramos. 2º Bacharelato A.   -I Certame de Deseños Adhírete ás Letras do IES Manuel Murguía de Arteixo. Gañador: Iván Brea Regueira.  4º B ESO.   Nos vindeiros días comunicarémosvos a data de entrega dos premio. Parabéns para vós e agradecemento sincero a todos os participantes pola calidade e a cantidade dos traballos que concorreron a ambos certames.

logo fala raio 312x312

CERTAMES LITERARIO E DE DESEÑO FALA DE RAIO

Convocamos ós alumnos matriculados no IES Manuel Murguía de Arteixo para participar nos certames de poesía e de deseño, este último sobre Carlos Casares. Tedes as bases nos taboleiros e paredes do centro. Animádevos a participar!