EDL do IES MANUEL MURGUÍA - Contáctanos

Estrea : Outra vez en setembro

enero 18, 2016 by ACTIVIDADES, CINE, FALA TV No Comments

Unha curta de Esteban Rodríguez, Jony Seoane, Marcos Sabarís, Diego Reyes, Javier Villares, Alex Dopico, Martín Gálvez e Ivo Ceán, alumnos de 1º BAC do IES Manuel Murguía de Arteixo. Coa colaboración especial de David Alonso. Sinopse: Un alumno enfróntase por enésima vez a un exame no que vai fracasar e mentres intenta responder as preguntas vai repasando as súas ilusións e temores.

cgai-hector rodriguez presenta low costo

Héctor Rodríguez presenta Low Costo no CGAI da Coruña

junio 27, 2015 by ACTIVIDADES, CINE, CINEOI, FALA TV No Comments

O alumno de 1º BAC Héctor Rodríguez foi convidado este sábado 27 de xuño a presentar a súa curta Low costo nunha xornada especial no CGAI, o Centro Galego de Artes da Imaxe da Coruña. Nela emitíronse as curtametraxes gañadoras na pasada edición 2015 de CinEOI Coruña Curtas e os seus autores puideron explicar a súa experiencia e os seus proxectos no mundo do audiovisual.

candidaturas olloboi

Low costo e Novos veciños, finalistas no certame Olloboi 2015

As curtametraxes ‘Low costo‘ e ‘Novos veciños‘, feitas integramente por alumnos de 1º BAC do noso centro, son finalistas en varias categorías do certame audiovisual Olloboi 2015. As categorías do concurso son 10 (Cómico, Pelón, Fotoxénico, Orixinal, Online, Animado, Zamburrioi, Especial Embarcacións tradicionais e Universidade e Escolas audiovisuais). Presentáronse a este certame 60 centros e 149 curtametraxes, así que non está nada mal! ‘Low costo’ é finalista en 4 categorías: Fotoxénico, Orixinal, Online e Zamburrioi. Parabéns a Héctor Rodríguez, coguionista e director, a Bieito Romero, o outro coguionista, e ao resto de participantes. ‘Novos veciños’ é finalista na categoría Orixinal. Parabéns tamén aos seus autores, do director Martín Naya, aos técnicos e actores e actrices. Moita sorte a todos o vindeiro sábado 30 de maio. Estaremos alí, na Gala final, en Boiro, participando dunha nova festa do cinema en galego. Podedes ver todos os candidatos e datos do certame na web de Olloboi e no Facebook de Olloboi.    

‘Low costo’, segundo premio en CinEOI 2015

Onte unha das curtametraxes realizadas pola produtora audiovisual do noso instituto, Producións Fala de Raio, alzouse co segundo premio da categoría xuvenil do Certame de curtametraxes CinEOI Coruña Curtas. ‘Low costo‘ recrea o tráfico de haxix nunha banda de adolescentes. Parabéns a Héctor Rodríguez, o director e a alma deste proxecto, a Bieito Romero, coguionista, a Alba Torres, axudante de dirección e maquilladora, aos actores Antonio Vázquez, Mario Álvarez, Daniel González, Carlos Sánchez, Raúl Dasilva e Pedro Quintana, e ao sonidista Yago Muñiz, todos eles alumnos de 1ºBAC do noso IES Manuel Murguía. Non deixedes de ver este excepcional traballo. No Facebook de Fala de raio podedes ver fotos da gala, cos rapaces co actor e humorista Xosé Antonio Touriñán (a famosa Mucha das Cantareiras de Ardebullo). Tamén tedes aquí o vídeo do momento en que Héctor recibe o premio na gala.  

‘Low costo’, para abrir boca

Velaquí tedes o tráiler da curtametraxe ‘Low costo’, unha idea de Héctor Rodríguez e de Bieito Romero, alumnos de 1º BAC C do noso instituto. O mércores 22 de abril asistiremos á gala de entrega de premios de CinEOI Coruña Curtas con dúas curtas, ‘Low costo’ e ‘Novos veciños’. Producións Fala de Raio participa de novo na categoría xuvenil deste certame audiovisual, que nesta ocasión conta con Antonio Touriñán, ‘Mucha’, como presidente de honra. Presentarémosvos estas curtametraxes, e outras que están a piques de saír do forno, na II Gala Audiovisual Fala de Raio. Manterémosvos informados, pero por agora ide abrindo boca con este trailer! E parabéns aos seus creadores! Os alumnos deste instituto nunca deixan de sorprendernos!

O mércores, entrega de premios de CinEOI Coruña Curtas

Un ano máis os alumnos de 1º BAC do noso instituto, a través da nosa produtora audiovisual Producións Fala de raio, participan na categoría xuvenil do certame CinEOI Coruña Curtas. A ver se este ano temos sorte, coma o ano pasado, e levamos de novo algún premio. Este concurso vai xa pola súa quinta edición, e celebrará a súa tradicional gala de premios o vindeiro mércores 22 de abril no Salón de Actos da Escola Oficial de Idiomas da Coruña. Este ano o acto contará coa presenza do humorista Xosé Antonio Touriñán, famoso polo seu papel de Mucha nas “Cantareiras de Ardebullo”. Touriñán ten unha proba dura recollendo o relevo como presidente de honra dos que xa o foron nas edicións pasadas: nada menos ca Luís Tosar no ano 2012, Luís Iglesia no 2013 e Isabel Blanco no 2014. Como sempre, e como se pode ver na curta promocional, premiarase a imaxinación, a creatividade, o compromiso e o humor, por riba do dominio técnico, como lle corresponde a un concurso no que se convida á participación de alumnos das escolas de idiomas e dos institutos e escolas.  

cartel cineoi 2015-cartel

Nova edición de CinEOI

enero 29, 2015 by CINEOI, CONCURSOS, FALA TV No Comments

Rapaces, a Escola Oficial de Idiomas da Coruña vén de convocar unha nova edición do seu festival de cine CinEOI 2015. De novo o IES Manuel Murguía colabora na categoría xuvenil, e ademais a Produtora Fala de raio xa está a desenvolver os guións para realizar novas curtametraxes e presentalas ao concurso. Se algún alumno do instituto se anima a unirse e participar, que entre en contacto coa profesora Begoña González. Veña, a ver se este ano volve a haber sorte e gañamos algún premio. Podedes ler aquí as bases do concurso.

OUFF-Ourense

Entrega de premios no Ouff Escola

Producións Fala de raio asistiu onte á entrega de premios do Ouff Escola, a sección escolar do Festival Internacional de Cine de Ourense. A gala tivo lugar no Auditorio Municipal de Ourense e alí se desprazou unha ampla representación dos alumnos que traballaron o curso pasado na elaboración de 11 curtametraxes no noso centro. Finalmente os premios non viñeron para Arteixo, pero prometemos volver outro ano para resarcirnos Parabéns aos gañadores, especialmente ao IES de Cacheiras, que coa súa curta “Persoas” levou o primeiro premio da categoría xuvenil, mais tamén ao IES Ramón María Ulloa, que obtivo o segundo premio coa curta “O libro“, e ao IES Xulián Magariños, premiado co premio ao mellor guión pola curta “Non nos quitaredes os soños“.

producions fala de raio

Producións Fala de raio, finalista no Ouff Escola

As curtametraxes realizadas o curso pasado polos alumnos de 1º Bac do IES Manuel Murguía coa súa promotora Producións Fala de raio son finalistas do “OUFF ESCOLA”, o certame escolar do Festival Internacional de Cine de Ourense. O día 19 de novembro é a gala de entrega de premios. Nela coñeceranse os gañadores desta edición, na que participan 76 películas realizadas por estudantes de institutos de toda Galicia. Os traballos foron valorados por un xurado composto por César Silva, director de programación do OUFF, Carlos Montero Álvarez, fotógrafo e crítico de cine, Paz Villar, coordinadora do proxecto Cine e Saúde, Manoli Maseda, coordinadora provincial das equipas de normalización e dinamización Lingüística e Gregorio Ferreiro Fente, representante de Secretaría Xeral de política Lingüística. O OUFF Escola entregará un primeiro premio de 600 euros, un segundo premio de 400 euros, e o Premio Blanco Amor ao Mellor Guión, dotado con 300 euros.

01.Isabel Risco (2)

I Gala audiovisual Fala de raio

abril 30, 2014 by CINE, CINEOI, CONCURSOS, FALA TV No Comments

Cine de autor e premios a esgalla onte na I Gala audiovisual Fala de raio. A actriz Isabel Risco conduciu unha gala chea de aplausos, risas e premios e cun auditorio entregado ante a calidade e o humor das dez curtametraxes realizadas polos alumnos de 1º BAC do IES Manuel Murguía. Recibiron tamén un diploma os nosos representantes en Tíralle da lingua, que unha vez máis afiaron a súa lingua para participar en Santiago neste certame de narración oral. Tamén tivemos convidados especiais: Ángeles Huerta, unha das promotoras do festival CinEOI Coruña Curtas, no que este ano a Produtora Fala de raio arrasou gañando catro premios da categoría xuvenil, e mais Jorge Saavedra, director da serie Matalobos, que unha vez máis apoiou esta iniciativa e se desprazou ata o noso instituto. Desde onte son, oficialmente, “madriña” e “padriño” da Produtora Fala de raio. Un bico forte desde Arteixo para os dous! Se queredes ver as fotos, visitade o facebook de Fala de raio.