EDL do IES MANUEL MURGUÍA - Contáctanos

ROSALIA E EU - NA BIBLIOTECA

Selfie con Rosalía!

Ven celebrar as “Letras Galegas” á biblioteca. 1) Tunéate: tes un espello, tes uns pos máxicos…   2) Faite un selfie con Rosalía.      3) Mándao a faladeraio@gmail.com.     Faremos un álbum coas mellores!  

Hoxe o galego en… Polonia

Fernando, Diego, Iván e Chechu, alumnos de 1º ciclo do IES Manuel Murguía, conversan con estudantes polacas que aprenden galego na Universidade de Varsovia. Grazas a eles e tamén á súa profesora Rebeca Lema. Unha aperta desde Arteixo!

Hoxe o galego no… País de Gales

María, Nerea, Pedro, Laura e Aitor, alumnos de 1º ciclo do IES Manuel Murguía, conversan con estudantes de galego na Universidade de Bangor, no País de Gales. Graciñas por participar e un saúdo tamén para a súa profesora Lorena López.

Hoxe o galego en… Alemaña

Fran, Ismael, Arturo, Lucía e Ergin, alumnos de 1º ciclo do IES Manuel Murguía, conversan con estudantes alemáns que estudan galego na Universidade de Leipzig. Grazas a eles e tamén ao seu profesor Daniel Barbero Patiño.

Hoxe o galego en… Inglaterra

Flor, Aness e Safae, alumnos de 1º ciclo do IES Manuel Murguía de Arteixo, conversan con Octavian, mozo inglés que estuda galego na Universidade de Oxford. Thank you, Octavian. We are looking forward to seeing you soon in Galicia. E grazas tamén ao seu profesor Diego Pardo Amado.

Hoxe, o galego en… Italia

María, Leticia, Nerea e Mateo, alumnos de 1º ciclo do noso instituto, conversan con algúns mozos italianos que estudan galego na Universidade de Padova, coa profesora Gemma Álvarez Maneiro. Grazie a loro!

miniatura lectores

Conversamos con… estranxeiros que aprenden galego

Inauguramos a sección “Conversamos con…” coa entrevista a estudantes estranxeiros que aprenden galego nas súas Universidades en Croacia, Polonia, Alemaña, Inglaterra, Gales ou Italia. Varios alumnos de 1º ciclo da ESO fixéronlles estas entrevistas que comezamos a divulgar hoxe. Estade atentos, porque esta semana previa ao Día das Letras Galegas, cada día sairá unha. Axustámonos así ao lema das celebracións deste ano no instituto: “Letras galegas, letras sen fronteiras“

miniaturas conversamos con

Fiestra aberta

mayo 9, 2015 by ACTIVIDADES, FIESTRA ABERTA No Comments

Inauguramos unha nova sección nesta web, Fiestra aberta. Trátase de abrir unha xanela pola que saír do instituto e interesarnos polo que pasa no mundo. Inauguraremos esta sección cun ciclo de entrevistas baixo o lema “Conversamos con…”  

Antoloxía de literatura galega traducida a diferentes idiomas

Letras galegas, letras sen fronteiras

O vindeiro domingo é 17 de maio, o Día das Letras Galegas. No instituto querémoslle facer unha homenaxe á nosa lingua centrándonos no seu carácter máis internacional. Así que a partir desta semana que empeza haberá actividades diferentes no instituto que incidirán nesta idea e que nos farán ver o interese que espertamos fóra das nosas fronteiras.  Por exemplo, poderedes ver unha exposición na biblioteca con traducións de obras literarias galegas a idiomas do máis variopintos: árabe, ruso, xaponés… E ademais, inauguraremos unha nova sección da páxina, Fiestra aberta, coas entrevistas que varios alumnos de 1º ciclo da ESO lles realizaron a estudantes estranxeiros que aprenden galego nas súas Universidades en Croacia, Polonia, Alemaña, Inglaterra, Gales ou Italia.

letrasgalegas2014-slider

Se ten que chover, que chova…

Fala de raio quere unirse hoxe, o Día das Letras Galegas, á homenaxe a Xosé María Díaz Castro. Porque sabía do valor das cousas pequenas e humildes pero bonitas e nos amosa por que non debemos pisotear nada que teña vida: Herba perquerrechiña que con medo sorrís ó sol que vai nacendo e morrendo sen ti, ¿por que de ser pequena te me avergonzas ti? ¡O Universo sería máis pequeno sen ti! Porque se comprometeu fondamente co país. Son moitos os exemplos de poesía reivindicativa nas nosas letras, pero “Penélope“, o máis coñecido de Díaz Castro, deu cunha das mellores definicións de Galicia: Un paso adiante e outro atrás, Galiza, e a tea dos teus soños non se move. A espranza nos teus ollos se espreguiza. Aran os bois e chove. Un bruar de navíos moi lonxanos che estrolla o sono mol coma unha uva. Pro ti envólveste en sabas de mil anos, e en sonos volves a escoitar a chuva. Traguerán os camiños algún día a xente que levaron. Deus é o mesmo. Suco vai, suco vén, ¡ Xesús María!, e toda cousa ha de pagar seu desmo. Desorballando os prados como sono, o Tempo vai de Parga a Pastoriza. Vaise [...]